بنيتين يحلمن بفارس الاحلام

الاولى

بالدنيا ما موجود ولفي أبجماله

الكمر من أيغيب يطلع بداله

الثانية

ولفي الترف يا ريت عينج تشوفه

أيمر الكمر كل يوم يغسل أجفوفه

الاولى

لو مر على الحلوات كل جرح يشفي

وكل وحدة حيل أتصيح يا ريته ولفي

الثانية

ولفي التحبه الروح عالصبخة لو مر

أيطك الورد ويصير كل شبر أخضر

الاولى

محبوبي لو شفتيه ما ضن تصبرين

وخطابه كل الناس أنتي التودين

الثانية

هو الحسن شيفيد لوما الوفه وياه

لو حصل طيب الذات كلنا أنتمناه


تحياتي للجميع
منقول
اتمنى يعجبكم
محبتكم دائما الــــــعراقـــــيه

الله عليج يااختي العراقيه موضوع رائع وكلمات اروع سلمت يداكِ


تقبلي تحياتي

العراقيه المحترمه 00
ما زلت تبدعين00
الله لا يحرمنا منك ومن ابداعك0000
دارمي حلو زي ذوقك
ننتظر المزيد

الله الله اختيار موفق يا اختي العراقية كلمت رائعة والمعنى اروع :2:

شكرا لمروركم اامنور وكلماتكم الطيبه
ابو علي
الزير
طارق
نورتو موضوعي بزيارتكم

http://www.falntyna.com/img/data/media/11/335792143.gif