زمن الوظايف

زمن الوظايف انتهى انا مش خايف وقولتها الشهادة مبقتش تجيب همها هثبتلك بكلامى الف دليل انت لو ساْلتك عن المستقبل الطويل هتقولى ضلمة وغتمة وليل اقصى طموحك يا صحبى تاخد التاْجيل وتقعد على القهاوى وتسمع نكت وحكاوى وغيرك مش متعلم لكن بقرشه يساوى وانت على الوهم تعيش وتدى الامل فى بكرة لكن بكرة دة مابيجيش والدنيا لما تديك فى لحظة يا صحبى بتبكيك وتلعب بحظك ووعيدك وتخلى الجاهل بقى سيدك وتمسك فلوس فى ايدك من همك بتسميها ماهيتك وتبكى دموع عنيك وقتها على سنين من عمرك ضيعتها علشان شهادة يادوب على الحيط علقتها مش قولتلك زمن الوظايف انتهى