كالولي مو عراقي بقلم عبد القادر الزيناتي
كالولي مو عراقي بقلم عبد القادر الزيناتي
ربينه سوا
وكبرنا سوا:66 (6):
والعبنه الختيله سوا
وغنينا الشميسة سوا
وركبنا مراجيح الهوا
وكالولي مو عراقي
------------------
اني جيت من بلاد ايئمها البشر
من بلاد مقدسية اسرى ليها
نبي الامه جد المنتظر
اني ما جاي من كوكب زحل
ولا من على سطح القمر
وكالولي مو عراقي
------------------
هو اليعيش بوطن كل العمر
واليدفن اجداده بيده بالكبر
ويحلم بدنياه بيها بقمر ونجوم وسهر
هم يصير فراك من بعد التلاقي
وكالولي مو عراقي
----------------
العراقي طبع
ندري احنا نولد بينا
وعاش بينا
نخوة وشهامة وشرف
من طيب الاعراقي
وكالولي مو عراقي
-------------------
الشمس عدنا هناك نفس الشمس
والامثال عدنه هم حزن وعرس
واللغة نفس اللغة اليوم وامس
واسمنا بالتاريخ باقي
وكالولي مو عراقي
-----------------
اعرف من هنا
زاخو بالشمال
ومضروب بالبصرة المثل
والنجف ارض الكمال
والشامية عنبرها يعط
عطر ودلال
ومن غربها قراها
وناعور وسواقي
وكالولي مو عراقي
-----------------
بالرصافة عشنا
والكرخ هوانا ونفسنا
والصبح يطلع علينا
ننشد ونبيني ونعمر بالعراقي
وكالولي مو عراقي
-----------------
شنهوا البقه واني انمنع
حتى احمل وورود وشمع
وخضر الياس ينطرني بدمع
مارضى بغير التلاقي
وكالولي مو عراقي
---------------------
اني بيها ابن البلد
جدي اندفن بيها
وابني بيها انولد
وهم خلف ابنيه ولد
واسمه عربي عراقي
وكالولي مو عراقي
--------------------
مو عراقي اليخون العراق
مو عراقي الينسه كرمها والاخلاق
مو عراقي الما بنه بيها سور,
وغاص بدجلتها للاعماق
مو عراقي اليكول
اني مو عراقي
الزيناتي
رد: كالولي مو عراقي بقلم عبد القادر الزيناتي
يكفي هذه الابيات الي كاتبهة فهي تثبت انك عراقي وارفع راسك من تكول اني عراقي واليكول عكس هذا فهوا غير عراقي
رد: كالولي مو عراقي بقلم عبد القادر الزيناتي
مو عراقي اليخون العراق
مو عراقي الينسه كرمها والاخلاق
مو عراقي الما بنه بيها سور,
وغاص بدجلتها للاعماق
مو عراقي اليكول
اني مو عراقي
0000000000000000
العزيز الزيناتي000
اهنيك على عراقيتك 000
حبيبي ابداع ثم ابداع ثم رسم مشاعر جياشه ترسمها كل يوم لنا 00لنذوب فيها الى حد النخاع000
كلماتك تبكيني صدقني 000
دمت للمزيد000الصكر
رد: كالولي مو عراقي بقلم عبد القادر الزيناتي
تحياتي لك اخي الصكر
وشكرا لمشاعرك الطيبة
صدقني الكثير مما اكتب لا استطيع قراته لكوني احس اني لم اكتبها انما كتبت بيد اخر فابكي واتوقف عن القراءة
شكرا لك لكن من لم يقبلوا بي ليسوا بعراقيين عرب وهذا زمنهم ولكن ليس لاخر الدهر
سلامي لك يابن البصرة الصامدة وصاحبة المعاناة دوما
الزيناتي
رد: كالولي مو عراقي بقلم عبد القادر الزيناتي
شكرا اخي طارق
وهذه شهادة اعتز بها
شكرا لمشاعرك وسلامي لك
الزيناتي
رد: كالولي مو عراقي بقلم عبد القادر الزيناتي
حلوة جدا عيني واني اكول انت عراقي اصيل نور عيني :66 (46):
رد: كالولي مو عراقي بقلم عبد القادر الزيناتي
شكرا لك اخي العزيز واعتزازي بك كما انت
الزيناتي
رد: كالولي مو عراقي بقلم عبد القادر الزيناتي
السلام عليكم
الي كول انت مو عراقي العن امه فوك ابوه والسلام
