عليمن هالشعر ونتعب الاقلام

فرق بين الامس واليـــوم شتان-------- فرق لهل الشعــــر لازم اسجلـــــــه
حرت بيمن احط السبب والصوج-------- اخاف احجي الصدك والصدك خجله
الشاعر بالامس من يحجي زلزال------ الخليفــه بعنفوانـه يكــوم لجلــــــه
وشاعر ها الوكت يستجدي عفيات---- وهاي بحك شعرنه اهواي فشلــــه
وياشاعـــر اكلــك بالحــــــــذر دوم------ ومن عنـــدي الحجي لازم تقبلــــه
لان شفت الشعر طايح عله الكاع----- ودواويـــن الوكــت رفضــت تحملــــه
وشفت كل شي شفت والشاعر يموت-- المشاعر هم شفتهه تموت قبلــه
وشفت كل الاذان مسدده بطين -------- القوافي عله السمع صارت مملـه
وشفت عنتر يجدي بسوك السلاح------ يلم نيشان بيــــده لعرس عبلــــــه
وشفت قيس وجنونه وضحكة الناس---- ولحد الان اسمعـــه يصيــــح ليلـــه
وشفت سياب نوحه وسفر ايوب -------- يمـــــوت وللاسف محـــد يجبلـــــه
الحبوبــــــي لحـــد الان محتــــار-------- غريـــــب علـــه الدرب محـد يدلـــــه
عليمن هالشعر ونتعــــب الاقلام-------- اشو صار الشعــــر محــد يقبلـــــــه
اليسمعون الشعر جدا قليليــــن-------- والتكتب شعر بالســـــــوك جــملــه
نصبنه الفاتحه واللافته اتكــــــول-------- مات الشعــــر كلـــه وماتـــو اهلــــه
*************************************************
شاكر الشمري---ناصريه

عزيزي الشمري

ان شاء الله لن يموت الشعر 00لانه حضارة بلد نا00وانه لساننا 0وانه سلاح الوطن 0000

الشمري الغالي كل ما قلته صحيح 00لان موازين الحياة انقلبت على عقب000الا الشعر فهو في الشرايين00

الاخ ابو علي الصكر
الشعر باق بصورته
ولكن روحه ماتت
مع الاسف لكثرة البواقين
الذين رجعو هذه الايام
شكرا لمرورك الجميل