عمر الفلسطيني 00 وحسين العراقي 00 بقلم عبد القادر الزيناتي

عمر الفلسطيني 00 وحسين العراقي 00 بقلم عبد القادر الزيناتي
اسكت اسكت
لاتقلي انت منو ومنين
ولا تحجي اعرفك انه 00 كلش زين
شنو اسمك 00 شنو اصلك
ومن يا عشيرة ومنين
مو جنه سوه 00 والعبنا سوه
وما سالتني ليش اسمي عمر
ولا سالتك ليش اسمك حسين
لان نعرف احنا اصلنا شنو
ومن يا امه ومن يا دين
ولا سالت شاحمل هوية
من الخليج 00 لو مغربي 00 لو من فلسطين
ولا امك عيرت امي
ولا قالت 00 ليش جيتوا هين
من الزغر واكبرنا سويه
والزمن خلانا واحد شمال 00 وللاخر يمين
وبعد الاحداث
التقينه بسيطرة
ضابطها انت 00 والجنود وياك ملثمين
وعيوني 00 ضوت بعيونك
شفت بيها 00 ايام الطفولة
من جنه جيران من اسنين
وشفت بيها كره وحقد للمامشوا وياك زين
واتذكرت خبز الوالدة
من تلزم الشنكة بيديهاوتطبطبها عل الطحين
واتذكرت 00 احلى تشريب بلحم
ووراه الجاي 00 مخدر وسنكين
وامي الحبية 00
فلافل 00 لفة تسويلك 00 ولحم بعجين
اسكت 00 اسكت اعرفك كلش زين
عيونك هواي تسال
والوقت 00 اعلي ثمين
وبثواني 00 كلها حصلت
اتذكرت اسمي يا حسين ؟؟!!
اني عمر
عمر ال بالزغر وياك واحد
وبالكبر صرنه اثنين
عمر يا حسين
لا تستغرب
ال جاكم من حيفا من فلسطين
عمر ال عاش 00 عمره وياكم
وما نسه حبكم 00 والحنين
عمر ال ما باع الوطن
ولا خلف بارضك 00 خراب وطين
يا حسين اعرفتني
ما ظل وكت 00 لا تخليهم حولي ملتفين
يا حسين
جنت بشاربي بالطفولة
واليوم بشاربك 00 انه والدهر يومين
بسرعة افطن 00 بسرعة تذكر
ولا تضيع الزين بالشين
عيونه لمعت 00
يمكن تفطن
يمكن تذكر 00 نفس الجرح اثنيناتنه مجروحين
صاح00
انزل ولك
انزل بسرعة
وايديك ليفوك
ارفعهن عاليات !!
خليني اشبقك بحظني بشوق وحنين
اني حسين ياعمر 00
وما نسيت ايامنا ولا عشرة سنين
اني حسين 00 واصلي عربي
ودمي 00 ما اختلط بشين الشرايين
اني حسين يا عمر 00 بس الوكت
خلاني بثواني انسه ما اتذكر
اني ما نسيت الكعدة والكومة
وايام الدراسة والمعلم بيه و بيك يفخر
ولا نسيت براس العقد تتذكر
من كنا نلعب دعابل وي قادر ومزهر
وانت 00 من ازاغل باللعب
توقف وابديك تدفعهم
وانه ابرجليه ادفر
ولو غلبنه
نهيج المنطقة 00 والناس تقول شكو 00 شكو
نقول 00 اغلبنه مزهر ال باللعب ما كان يخسر
اشبقني بحرارة خوية عمر
اشبقني 00 ولا تبعد عني اكثر
جنت اسال 00
يمكن سافر 00 يمكن رجع الفلسطين
اتذكرت 00 فلسطين ما رجعت ؟؟!!
يمكن مات 00 يمكن عايش اهنا بس وين
وبالاحداث الاخيرة اشصار بيه !!؟؟
والجنود تستمع 00 شنو هالحكي الثخين
من كان يقول المذهب اساسي
لو عشت وياه مو عمر 00 عمرين
لو انت شيعي 00 انت سني
ومن يا صوب 00 من الصوبين
امريكي 00 يباوع علينه بتك عين
وال وياه 00 همس 00 وباوع بالاثنين
واني اشبك بيدي واحظن
ودمعي يجري 00 سايل على الخدين
وهو بدموعه 00 غرق قميصي
من الجتاف 00 حد الردانين
وبعده الامريكي 00 بنظرة حقد
مو بعينه احنه 00 واحنه متشا بكين
يكره اخوة تصير 00 بين اثنين
هذا عراقي عربي 00
وهذا عدوا اخوته الاسرائليين
ثار وغضب 00 اوثارت البارودة بيده
وواثنينه برصاصه 00 مجروحين
واني وحسين وقعنا وبدمنه غرقانين
ودمي ودمي 00 نهر واحد جره
مو نهرين
وابتسم 00 وكلي اضحك هم غلبانهم
وما فرقوا الاسمين
اسمك عمر باقي عل الفاروق
وانه اسمي على اسم الامام الحسين
اني عشت 00 ومن الله الي عمر
وحسين الشهيد باقي ويملك اثر
والامريكي 00 نيشان علق على الصدر
مو اده مهمته 00 وفرقنا الاثنين
الزيناتي

نص خلاني اضحك على الفلافل والحلم واثاني خلاني افتخر بشعرك.
تحياتي

شكرا للاخت العراقية
هنالك معلومة اردت ايصالها لكي
الفلافل في العراق وصل عام 1948 بعد دخول الفلسطينيين وهجرتهم وفي السبعينات اول محلات فلافل فتحت بالباب الشرق عند سينما الخيام بشارعه وعند سينما لاي حضرني اسمها قرب وزارة الاعلام وكان المطعم يعض بالزبائن قبل دخول السينما وبعدها ثم انتشرت في مناطق اخرى كثيرة كالاعظمية والمسبح وهنا اقصد من اشتهر منهم حينها بتصنيعها
وهذا موضوع شيق لذا كانت امه تعمل الفلافل لانهم مشهورين بها
واخيرا وليس باخر شكرا لمرورك الجميل وكلماتك الرقيقة وارجوا تواصلكم معي
اخوكي الزيناتي

الزيناتي العزيز00

ابيكيتني وانا اشهد لك بتحريك مشاعري واحساسي000تعرف لماذا لان كلامك
نعيشه بلحظه بلحظه 00والله نعيش في وطن موبوء بالاحزان في كل دقيقه

نسمع خبر يشق القلب والوجدان 00لا استطيع ان اكمل لان انفجرت عبوه في

حينا ودمت لنا

بصرتنه ماعذبت محب
واحنه العشك عذبنه
ولا العشار سد الدرب
ولا الزبير عفناه ما نوده
ولا لغتنا اتعجمت بينه
ولا السياب للشناشيل غير الفرده
لو غيلان نسى حروف المطر
من قالها الوالد وحرف الشدة
تحياتي اخي الصكر
وشكرا لك و جعلتني فعلا ابكي لحال ما بعد الانفجار
الزيناتي