:66 (46):: عنادك وين يبن ادم وصل بيك
اظل لـيوين اتعنى واصل بيك
حبيبي شايل بجيبي وصل بيك
وباجر بيك ينطوني هوية
&*&*&*&*&*&*&*&*&*&*&*
مرتب ماشفت مثلك ولاصاك
وياهو الخربطك عگبي ولاصاك
انه الماكاتل بايدي ولاصاك
اصك روحي عگب عينك علية
*&*&*&*&*&*&*&*&*&*&*&
گلب صافي لون تهوة گلبنة
وابد مايوم عالصاحب گلبنة
احنه ضلوع الك وانت گلبنة
ونحافظ عالگلب من كل اذية
&*&*&*&*&*&*&*&*&*&*
عقد ياقوت ذرعانك وفضة
على المخلوق طش حسنك وفضة
حسابي وياك اريد اگعد وافضة
واريد احجي العلي والمو علية
&*&*&*&*&*&*&*&*&*&
مثل جنح الفراشة شفاك وارقة
وربيع الشوگ منك راد ورقة
كل بوسة حبيبي انطيك ورقة
واذا حلگ بحلگ دفتر هدية
&*&*&*&*&*&*&*&*&*&
ذبت وبنار هجرك مايع اني
ويعاني الگلب منك مايعاني
لون تطلب اهديلك ماي عيني
الك والروح اقدمهن ه
&*&*&*&*&*&*&*&*&*
قدر مكتوب حبك من تقسمة
الواحد مالة ناتج من تقسمة
لون بسيوف گلبي من تقسمة
وتشوف محبتك شمسوية بية
&*&*&*&*&*&*&*&*&*
عنيت وبس عليك الجدم يعني
ولا غيرك الي بالناس يعني
اگلة تحبني تگلي يعني
شنو اليعني منو يفسرهة الية
&*&*&*&*&*&*&*&*&*:66 (46):
