فراق حبيبين بسبب الطائفية

صدك تقبل حبيبي لغيري هسة تصير؟؟ وصدك مليت مني وبعد متحبني؟؟ وصدك هانت عليك اسنينه الحلوات وما هانت عليك شلون تتركني؟؟ من يمته المذاهب نحسبلها حساب؟؟ ومن يمته الطوائف جانت تهمني؟؟ أنه لمن عشكتك ما سألت الناس ولا جنت ادري اصلك شيعي لوسني شجاك تغيرت وبكلبك انته شصار؟؟ جنت تموت بية وجنت تعبدني وجنت اتنفسك وانته الهوه بدنياي وجنت لو تبتعد لحظات .. تخنكني معقولة الورد ينكر جميل الماي؟؟ وانته بهالسهولة تنازلت عني؟؟ ما أنكر مقصر إجت فترة وياك لكن مو بدية الوكت يجبرني شفت يمك نفط وابين اديك الماي وأنه بناري اشتعل ردتك تخلصني لكيتك بالعكس مايَك شمرته ابعيد وجبت النفط بيدك حته تحركني شسولفلك بعد؟ طعم السوالف راح ردت منك توافي وخيبت ظني أدري الوكت هو الخله كلبك هيج وادري الطائفية الباكتك منيوقبل لا تبتعد عندي سؤال ارجوك فكر وية روحك عود جاوبني :باجر لو متت وتشوفني بتابوت هم تبجي علية وبعدتذكرني؟؟؟؟؟
موضوع جميل اعجبني جدا احببت ان انقله لكم ودي

فعلا شعر مؤثر اختي ايه

الله ليوفق كلمن سوه الطائفيه

أشكرج خيتي على الشعر الحلو

:66 (46): أخوج : عمر الحجار أبو الفاروق :66 (46):

ياإلاهي!!
بكيتني والله بكيتني.
شكرا لنقلج لهذه الشعر الراءءءع.
تحياتي

شكرا لك اختي ايه على النقل الاكثر من رائع
تقبلي مروري

كلمات مؤثره جد بكتني
يسلمو على النقل الرائع
امنقائك للقصيده دليل على ذوقك الرئع في الشعر

اليحب ميباوع بعين تكره 000
هذا بس الي ما عنده عقل وينعق مع كل ناعق شنو شيعي شنو سني00كلنه اسلام وعاقين وبلد واحد 00
الله ينتقم من كل طائفي ويحرض على الطائفيه00عراقين احمو بلدكم من كل فتنه00كلنا اخوان 00
(( كل انسان اخوك اما في الدين او نضيرك في الخلق ))
ايه تقبلي مروري الثقيل على صفحتك المنوره00