مشتاقلك يا وفي ,,,, روعه ؟

مشتاك الك يا وفي وانته بديار الغرب

واشلون اوّصف ألك شوكي جرح ملتهب

من يوم عني رحت حسيت وكتي صعب

الفراك ما ينحمل مو سهله تفكد محب

وانه فكدتك مثل بلبل فكد عشه

ايتيه بين الشجر كل اليجي اينشه

والحيل بعدك ركد دنيه وصفت وحشه

العيون ماكو نظر والجسم بي رعشه

ولك رد

اصيح ابصوت ياحبي ولك رد

طالت غيبتك عنـــــــي ولك رد

اومنك كلبي صـــــدكني ولك راد

تـــــرد انته يغالي اليوم اليه


وادري انته رايح ترد بل ميه ميه

لن انته طبعك وفه متروس حنيه

ما ترضه جرحك يظل عايش عمر بيه

لازم تشافي الجرح تصبح سند ليه

مشلول نصي اعتقد ما شيل رجليه

صح انه غصني ذبل بس شوفك اميه

ولو جيت أوكف أنه فرحان بالجيه

اولو خان بيه الجدم أوكف على اديه

شكرا لك اخي العراقي على الشعر الرائع