بسم الله الرحمن الرحيم
هذا الشعر للبنات .. الشينات منهن الموزينات .. ما أطيل عليكم و يكول الشاعر .. مع العلم إنو ناقل الكفر ليس بكافر :
كتلك لا تأمن ذني غدارات
و أطلع من أسولف والله عن طوري
و لا تسأل بعد عافتني ليش شون
جي شافتك زوج و ضربتك بوري
البنات بهالوكت لا ما يعرفن عيب
و صلفات و جذب من كال ينردن
و إذا ما صدكت خل آنه أضل جذاب
ييجي يوم علة عقلك لابد يضحكن
من يمشن سوة قمة شرف و أخلاق
بس شوف المصيبة هناك لو بردن
شجم شاب و مراهق ما ينام الليل
بحال الشباب شلعبن شسون
لعبن بالشباب أفلام يابو أفلام
يضربنهم بواري و جذب ينضربن
و خطيه اللي يحب حسبالة وفيات
و هن كلهن خيانة و أبد ما يوفن
إذا يحجن غرام و كله حب أوراق
هواية من الغزل فوك الورق كتبن
ما أصدك جذب منا لحد هنا
تعلمني بحجيهن كلهن يجذبن
عرايس أخاف أكللك و أظلم العرسان
يلطمن لطم لو رادن يطلعن
من الأحمر و الأخضر هذا مو بإنصاف
و أشكال الصبغ لوجوههن حطن
آني أمشي ويا أمي مستحي و خجلان
و هن ويا الولد بالشارع يضحكن
و حتى عيونهن ما ضل عليهن لون
كل لحظة بشكل كلساع ينكلبن
مو بس عالبشر لعبن بنات اليوم
حتى بخلقة الله كامن يلعبن
كبل عدنة الولد معروفة يصجمون
هواية من المواقف عالولد ثبتن
إنكلبت الآية و هسة البنات
لبسن بنطرون و كامن يصجمن
و مو كلهن سوا و كل البنات خفاف
و لا نظلم أحد و بالبشر نطعن
أكو بيهن أشراف و تاج فوك الراس
و أكو بيهن -حشاك- نعال ما يسون
و تقبلوا تحياتي ..
