من أحلى الأبوذيات 2

حبك بالقلب حافر و ناقش .. و صرت نيران تحركني و انا , قش .. أرد أكعد وياك و أسولف و أناقش .. وشوفك لشوكت تظل تقسي عليه

إكتبلي شما ردت تكتب و أردلك .. بساتين بوسط قلبي ورد , لك .. ازعل و ابتعد و اروح و اردلك .. لأن القلب بيدك مو بديه

و حك قلبك و عينك و رمشاك .. يضل طول العمر مشايه وره مشاك .. عليل آنه و بقلبي ورم شاك .. تطيب جروحي من تمد إيدك عليه

أضعضع حيلي من فركاك و نهار .. و دموعي عليك صبن مزن و أنهار .. و لساني من بعدك ما عرف طعم لا ليل و لا نهار .. و إنعمت عين الغفت بجفاك اليه

عند ناس يعيشوا بلا هم .. و وين متروح يحيطك بلاهم .. و عندك ناس ما تسوى بلاهم .. و عندك ناس ياريتك بلاهم .. أصنام محركة و تلبس ثياب يا حبيبي (موال كاظم الساهر)

حيرة بيا سجيه أمتدح وصفه .. أنقه من الذهب و الماس و أصفه .. أعلة من المدح و الوصف وصفه .. بكل خصلة حرت و بكل سجيه

بسك يا فرح و شوكت شفتك .. تطوكت بغرامك حين شفتك .. مريض آنه و دواي بطرف شفتك .. تصل لشفافي و أشفى من المنية

عاشت يداك اخي العزيز على هذه الابوذيات الجميله
تقبل مروري
شمس الغروب

جمالك بالقلب والروح طرفاي..ويشعرك في جبينك نو طر فاي..أحذرك لا تدوس بيوم طرفاي..أوج كلي وطرف ما يظل بيه


تعيش