خويه اجيتك-----قصيده لاربعين الحسين ع

خويه اجيتك----خويه اجيتك----خويه اجيتك
هاجت اضنوني عليه -----من ووصلت الغاضريه
***************************************
اجيتــــك يانظـــر عيــني-----بهظم وبحسره لمن جيــت
اجيت ولوعتي بصدري-----يخويه من اليسر رديــــــت
اجيت اتعثر بممشــــاي-----ودموع الالـــــم صبيــــــت
بيه مصابــــــك شسوه------يخويه حسيــــن وشخليـت
هذا حالي----هذا حالي----هذا حالي
حالتي ضيم واذيه-----من وصلت الغاضريه
**************************************
اجيت احجي السده بحالي----يخويه وعملـــة الايــــام
اجيت وجايبــــه العيلـــه-----يخويه من الحرم وايتـــام
بس وحده خذاهه البيــن-----ماردت بقــــت بالشــــــام
عله راسك يبو اليمـــــه-----خلاهه الزمـــــــــــان تنام
لوعتني----لوعتني----لوعتني
جيتك واذكر رقيه-----من وصلت الغاضريه
*************************************
يم كبرك اجيت اليــوم--------وابدماحسييـــت بهـــــاي
بقيت ارسم صور يحسين-----خوتنه وليـــالي صبـــاي
شلون تروح عني بعيد-------زرع آنه وجنتلي المـــاي
وانته اللي جنت يحسين-----مثل ظلي وخيال ويـــــاي
يل عفتني----يل عفتني-----يل عفتني
ياعظم هاي الرزيه-----من وصلت الغاضريه
*************************************
وصلت الغاضريه اليوم-----يخويه والدمــــــــع ساجم
يم كبرك اجن ساعــــــه------وساعه اكصد كمــر هاشم
اتذكر لمـــن عفتـــــــه------عند المشرعـــــــه نايـــــم
والاكبرهم اذكرنـــــــه-----وعبـــــد اللــــه وبعد جاسم
ياحسرتي----ياحسرتي----ياحسرتي
جا بعدشنهي الرجيه-----منوصلت الغاضريه
*************************************
يخويه من رحت عني-----آنه اتمحنــــت يحسيـــــــن
ومن كثر البواجي عليك---بعدماظل دمـــــــــع بالعين
يخويه ومن عكب عينك----آنه انطي الوجـــه لا وين
وبعد مثلك يبن امـــــي-----يعوضني الزمـــــان منين
آيناري----آ يناري----آ يناري
بالحشه تلهب سريه------منوصلت الغاضريه
*************************************
لون بالغاضريــه هنا-----يخويه ومن يخيرونــــــــي
اظل يمك لحد الموت-----عله كبرك ياضوه اعيوني
المدينه لورحت ليهه-----اموت بحسرة اضنونــــي
وشجاوب لو اجتني الناس--عليك ومن ينشدونـــي
يا زماني----يازماني----يازماني
ابقه اظلن مو بديه------منوصلت الغاضريه
**************************************
ونسالكم الدعاء

مشكورين اخي على القصيده الجميله و الكلمات الاجمل

مشكووووووورين على القصيده

لك جزيل الشكر اخي الكريم على هذه القصيده الرائعه بحق امامنا الحسين (ع)
تسلم وجزاك الله كل الخير
بأنتظار المزيد من ابداعك الرائع والقيم
تحياتي وتقديري
اختك
نجمة الفرات