ردا على رسالة السفاح بن لادين الاخيره الى المجرم البغدادي

ردا على السفاح بن لادين في رسالته الى الارهابي البغدادي

نبح چلب العماله وجدد المطلب


ابن لادين گلهم بايعو مرحبْ


نبح من الجزيره ودگتْ الابواق


ابن سفيان اجانه وهدد ورغّبْ


گال الهم عليكم نصبّت هاليوم


البغدادي امير بامري عالمگصَبْ


نريد القتل بالجمله وبلا تعيين


ونريد الشعَبْ كله ابدّمه يتخضّبْ


وما ايهم الضحيه اشما يكون ايكون


شيعي المعتقد لو سني المذهب


وماايهم العمر والجنس مهما چان


المهم اكبر عدد بالموت يتشرّبْ


العراق اصبح اماره وعينّو ذبّاحْ


ولنهه اسراب من الدبشْ تتسرَبْ


غم رايك يفاجر ماكفاك الصارْ


وگلي ابيا ديانه اتشخبط وتكتبْ


************************


واظن ماخذتْ عبره ياسفيه الراي


لمن هلك سفّاحَكْ ابو مصعبْ


اشتظن تگدر تعيد امجاد ابن سفيان


وتصير انته الخليفه وتسلب وتنهبْ؟


لچن ندري الهدف والغايه وشتردون


واضح صار عدنه ونعرف المطلبْ


غايتكم ظلاله وابد ماتصحون


اشكثر احقاد عدكم تخمد وتلهَبْ


نهج تكفير اظلم والذبح عنوانْ


والما سلكْ خطكم كافر واذنَبْ


وماادري ابيا شريعه اتكفرون الناس


ويا دين الامر بالقتل لو بالسَبْ؟


ويادين السمَح تتسلط اعلى الناسْ


انصاف الرجال الما تخاف الرَبْ


************************


لا نخوة زلم عدكم ولا احساسْ


لاغيره وكرامه اجلاف بس تكربْ


وبطولاتك يابن لادين خاتل دوم


مابين الحفر يا چلب يا اجرَبْ


ماكافي نذاله وضحك عالاذقانْ


وعلى ياهو اليسمعك گلي لو تخطبْ


لعبتكم قبيحه اووعَتْ كلهه الناسْ


بطل هالقوانه وشوف لك مهرَبْ


لچن معلوم اصلك والطبع غلابْ


مو انته ابن ذاك اللي بايع ضَبْ؟


ومو انته ابن ذاك الطريد الچان؟


ابن سفيان جابه وسلطّه ابمقلبْ؟


ومو انته الفرع من الاصل حجّاج؟


ذبّاح الخليفه السيفه دَمْ ينضبْ


وانته ابن الوليد المزّق القرآن


وابن عبد الوهاب وفكره المعذرَبْ


**************************


وابن صبحه وهند هالخلفنْ اجلافْ


بارگاب الخلگ ظلْ سيفهم يلعبْ


بعد شتريد اوضح شوف اصلك زين


وشوف المن ترد واليارجس تنسبْ


صاير لي مجاهد تفتي باسم الدين


اشو ذيچ القدسْ كل يوم تتسلبْ


لو بسْ عالعراق ارجالكم شرسينْ


تفجّر تنتحر كل يوم ماتتعب؟


لچن چلمه اگلك والفلك دوّار


تره العگرب دواهه النعل ياعگرب


ومو صحوة عشاير عدنه هذا اليوم


لا كل العراق اليوم صاحي وگبْ


اولو اقزام عندك چانو ايفجرون


فنه اللي تدنه اليوم لوگرّبْ


نگص راسه التدنه وجاوز وخرّبْ


**************************

علي البهادلي ابو مرتضى


2/1/2008

بالدم موب الحبر علا العراق بس اكتب لو راد الوطن ب ماء العين هم اكتب شكرأ اخي العزيز علا الجهد اخوك سفيان ابو شهد