الى بغداد.. والى البصرة

اخواني.. هذه اول مشاركة لي في موضوع الشعر الشعبي وهي ابيات للشاعر سليم كاظم..
والشاعر سليم كاظم شاعر غنائي.. كتب كلمات اغنية (لعيونها ارحمها لاجل عيونها) التي غناها الفنان هيثم يوسف.. وله كلمات اغنية (مو كلمة وانساك ولا لحظةوتهون) التي غناها الفنان حبيب علي.. وهو صديق لي وانا افتخر بصداقته وهو لم يمانع بنشر قصائده الي المهتمين بالشعر على الانترنت.. وانا لاجد افضل منكم اصدقائي في منتديات الفرات لانشرها لكم.. مع فائق الود والرجاء بان تنال رضاكم

فالى بغداد كتب سليم كاظم

علمج غركَوه بدجلة يا بغداد.. وظنوج انتهيتي وكل علم ماكو
وبطنج من عقرها السيف.. خافوا تحملين النوب.. على ظهرج بعد باقدامهم راكو
وحاطوج بجدار الخوف.. وسور من الجهل برماحهم حاكو
بس ما نزف عقلج دم .. ولا استسلموا اهلج للعدو.. اتباكو
نزف عقلج علم.. والبطن طلكَت فن.. وبقوا ولدج شموع.. ومات هولاكو


وكتب الى البصرة

يمر درب الثقافة والعلم من باب
والتاريخ يكتب والايام كتاب
الدول عسرة لمن طلكَت.. بس شوف العراق شجاب
ابطال وفوارس.. سادة وانجاب
وفطاحل للعلم والكرم والاداب
من هور الجنوب من الوسط للزاب
وما طول عليكم لو اكثر حساب
يكفي البصرة طلكَت .. جابت السياب

اخوكم الصيدلاني حيدر:66 (46):