احلى سلام عراقي دافي لكل العراقيين المغتربين ولكوللهم الله يكون بعونكم
هذا شعر عجبني حسيت مثل القنبله بوجه كل من اذى عراقي او عراقيه بالفيزه
الله لا يعوزنه على احد ..
اليكم الشعر ...
بعد ما أريد فيزة
بعد ما ريد فيزه ولا لجوء انـــــسان
عمت عين الاقامه الدنست صـــــيتي
واشكر كل صديق وكل خوي وكل جار
قــــفل بابه ورفض يـــــقبل عراقيتي
خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي
لان اول امس كل البشر خــــــــــدام
جانوا للـــــــــــــــعراق واكلوا ابيتي
جان الضيف عندي مكرم ومهــــيوب
فوگ الراس اشــــــيله وهاي تربيتي
ما داعي اسولف وانه ابو النــــهرين
ياهو الــما سمع اخــــــــــبار حنيتي
بعد بصــــــمات اديهم والطبع موجود
من جانوا جياع بوســط صيـــــنيتي
يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي
معـــقوله نسيتي اسم الـــعراق بساع
لــــــو مثل الــــبشر همّن تــــناسيتي
مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي
راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي
وادري لوحّدج عفناج صار سنين
وادرى من الحزن تابوت سويتي
جيب الاغتراب وحـــطه بالـــتابوت
يا غربه الـــــــــــعراق شكثر اذيتي
ما اعيــش ابّحر مالح طـــعم يا ناس
انه بسجن الـــــفرات وفقط حريتي
وترابي ذهـــب والگاع من ياقــوت
ومن ثوب الكرامه البسهه بيريتي
واذا گالوا لترجع والوضع مو زين
اگول اني الوضع والزين تاليــــتي
وميهمني بعد ليصير خلي يصير
طعم الموت اشرف من هجر بيتي
اموت بوسط خوتي ويا حلاة الموت
من اجمع اهلــــــنه واكتب وصيتي
وصيتي لو متت لتچفنوني چفان
لفوني بعلمنه وهاي امـــــــنيتي
واذا تردون اليه بهالگبر ارتاح
امانة الله دفنوا وياي جنسيتي
..................................
__________________
قالو ليش رافعه الراس ونشوفك قويه ؟
قلت العفو كلنا اولاد ادم وحواء بس انا عراقيه .
عراقيه في هواها تترك العالم وراها من شافها مانساها .
اذا شفت ضيم الناس في كل البريه اسجد لربي الي خلقني عراقيه ...
منقول
