اسئلت عنك شيخ واسئلت قاضي *** كسر بجمع يهواي بيك انا راضي
بس لاتبوگ اشعار مني وتدزهن *** تدريهن انته اعزاز والله شمعزهن
اكتبلك انا اشعار منهو اليوصل؟ *** اختار الك جلمات وانا الافصل
لا جلمه لا مرسال ما وصل منكم *** باجر زحف يهواي لازم اصلكم
ازحف زحف يهواي باجر اجيلك *** مو معتني العباس لا معتنيلك
لو معتني العباس ادعيلك بخير *** والقسمه بيد الله لو رادت تصير
كلكم الليه احباب يا بعد اهلنه *** لو ما الليه احباب جا كلنه شلنه
اصبر صبر ايوب وبصبره راضي *** بس انته جيب شهود يحكم القاضي
