قصيده الابن الي والده قاطعه

السلام عليكم ورحمة الله وبركاته

قصيده حزينة لأبن تزوج ووالده معارض على زواجه ....

فكتب هذه الكلمات المؤلمه ...




الله امر بالوصل من بين الاقراب
وحنا بوقت زايد بالقطيـــعه

وانا من اللي شفت بالحيل منصاب
وضاقت علي الارض ولو هي وسيعه

يا بوي انا من صدتك عارضي شاب
وحطيت في كبدي جروح شنيعه

ما غير اهوجس مثل منهار الاعصاب
انا اشهد ان صدتك عني وجيعه

ولا لقيت لها تفاسير واسباب
ومعاتبتك محرمه في الشريعه

شفت المهونه من شباب وشياب
وانا على الحقران نفسي رفيعه

لاني بسربوت ولاني بكذاب
ولا لي مع الانذال شريه وبيعه

يا بوي افك الباب وتسكر الباب
وخصيتني يابوي في ذا الطبيعه

حتى اصغر الاخوان كشر لي الناب
ما كني الا بايقن لي وديعـــه

ولا حدن خذا لي شور في كل الانساب
يالله دخيلك من حياة الهزيعــه

ويوم النزايل يا يبه صرتوا احزاب
احدا نصا الهيضل واحد في البديعه

ترى المعونه جات من رب الارباب
لاحدن يحسب اني برجوى صنيعه

لكن نبي جمع القرايب والاحباب
قدام كلن يغلق الموت ريعــه

صاروا اخواني عند ورعاني اغراب
شي يولع في ضميري وليعـــه

ليا اسالوني يغرق الدمع الاهداب
يالله عسى من لامني للفجيعه

يونس على كبده مثل عظة الداب
وارحم عياله لا امر ما يطيعه

يا بوي طيرك له جناح ومخلاب
يحط في رفد الحباري فنيعه

ما هو بحق انك تحطه بسرداب
وتحمله من فوق ما يستطيعه

حطه على يمناك وتشوف الاعجاب
وافخر بطلعاته مع اهل الطليعه

مشكوووووووووووووووووورة
على الأبداع المتواصل
أرق المنى

ولكي مني جزيل الشكر على المرور

مشكووووره على الكلام الجميل