مانبجي أبد والله ...يازهراء : علي البياتي :

ما نبجي أبد والله ... يازهراء
والأنصار بأجفان الشهاده تصلي يوميه

وماتدمع جفن كل عين بيه مصاب
عدنه رجال من حسين تتعلم صبر بآفاق حنيه

وعدنه سيوف من حيدر علي الكرار تجدح نار
ذو الفقار بيدينه بنصر , عدوانه ضاريه

ورفعنه أعلام بنجوم العراق وراية المختار
ولبّسنه الشموخ اوسام للأحرار .. حريه

ذبحونه بفتاوى أزلام بن سفيان عل المكشوف
وتهمونه روافض واكحونه بعار ليليه

واصلنه بحزم ايمان متقلدين عل الظلام
طاوعنه المراجع كل أمر ساعاته .. شرعيه

فجرونه بمساجد والحقد معلوم وبتبيان
بدليمي الخبيث أوراقه بعثيه

بآلاف القنابل وجروّنه بنار
اذكرنه الطفوف .. أرواحنه الديه ؟

وغسلّنه الضحايه الماتت بتفخيخ
والبسنه السواد , أعلامه صدريه

وأعلنّه الحداد ابيرغ العرفان
وأدفنه بصبر , أشلا ء شيعيه

وأكتبنه المجد أيامه وبتاريخ
منسّلم أبد هيهات والرايه حسينيه...

خلينه بعزانه ونلطم اعله الراس
ونأبن شعب مذبوح , بصوت أمي العراقيه

تمت ولله الحمد

مشكووووووووووووورر عاشت ايدك ياورده على هذه الكلمات الروعه


تقبل تحياتي

الله عزيزي البياتي
هموم الوطن لاتنتهي هكذا ارادوها اعداء هذا الشعب الصابر
نصر الله شعبنا
دمت بود
تقبل المرور

مشكووووووووووووووور
اخي
أرق تحية من القلب