شلونكم... شلونك ..شلوووووووووون ال.....

السلام عليكم ورحمة الله وبركاته ....
في الغرب يكتفون بكلمة (هاي) او (هلو) لاداء التحية فيما بينهم ... ولكن الكثير من مواطنيننا العراقيين الاعزاء ولمحبتهم لبعضهم مولعون بكلمة (شلونك) معتقدين ان كثرة تكرارها تدل على الحب والتقدير والاحترام للشخص المقابل الذي يبتلى بسلسلة شلونك واخواتها مثل (شلونك زين) و (شلونك بعد) و(شلونكم) و(شلون الاهل) و(شلون الجماعة) و لاتنتهي احيانا الا ب(شلون النعجات) و (شلون الهوايش ) و (وشلون الدجاجات ) مع تكرار شلونك واخواتها بين كل كلمتين ..... ذات مرة دفعني الفضول الى حساب عدد المرات التي رددها صديق لي ب شلونك واخواتها فكانت 13 مرة بدقيقة يعني لو مطول وياه بالكلام كان دخل موسوعة غرينس للارقام القباسية بكامة شلونك ....
بقي ان نقول ان التحية بالاسلام هي( السلام عليكم ورحمة الله وبركاته ).. وليس( هاي )او (هلو) ولا حتى( شلونك).......
ملاحظة... (شلونة) الموضوع ارجو ان يعجبكم وتردوا عليه

هههههههههههه عاشت ايدك يلغالية موضوعة اكثر من روعة وانت اروع مكلتي شلونك انت زين الاهل شلونهم والله صدك من وهيج اني هم راح احسب لكل واحد اشوفة كم شلونك يكول ههههههههه ممنون قلبي علة الموضوع الحلو تقبل مروري



اخوك مهند البكري

مشكور اخويه على الموضوع الرائع وعاشت الايادي
صدك نسيت اسئلك اشلونك

مشكووووووووووووووووووووور
أخي على الموضوع
أرق تحية من القلب الى القلب

السلام عليكم ورحمة الله وبركاته
الاخ المحترم مسافر كربلاء
الحقيقه يسعدني ان اتواجد في هذه الصفحة الرائعه
موضوع رائع ومشاركه قيمه ونحن بانتضار كل جديد ياتي لنا به قلمك المميز
زين ماكتلي حبيبي انت شلونك

ممممممممممممممممممممممممشكور
وتسلم على هاي الموضوع
لامار

شكرا على الموضوع الجميل ...فعلا شلونكم كثيرة الاستخدام عندنا

شكرا اخواني الاعزاء على مروركم بالموضوع ارجوا ان استفدتم منه وهذا شي اكيد وواضح من رائحة عطر تعليقاتكم ومروركم الكريم ؟؟؟ تقبلوا تحياتي القلبية