ونور البدر
عبر البريد الألكتروني الماسنجر
فكان حواراً شعرياً
تعالو شفو شنو الدار بين الأثنين
فلاح الزيدي :
الشطره حنت حيل الكم يالأطياب
كامت تصيح الغوث من يندك الباب
نور البدر :
الشطره وي ذي قار توحشني كلش
ريت أنه اصبح طير وبيتك اندش
فلاح الزيدي :
لاتوصل احذه البيت يمعود ابعد
لوشافك الدلال من صدري يشرد
نور البدر :
دلالي يبجي أعليه صبح ومسيه
لوما اشوفه اليوم اكبر اذيه
فلاح الزيدي :
صبح وعصر وغروب وي هدوة الليل
الكلب وي العين حنن ألك حيل
نور البدر :
حن كلبي يبن الناس هام أعله اشوفك
من شفت عينك شو خفت ويه خوفك
فلاح الزيدي :
من جدمي حد الراس صابتني رجفه
تدري بسبب فركاك سموني سعفه
نور البدر :
زين انت من سموك سعفه بنخلهه
تاهت ومندل وين يادرب اخذهه
فلاح الزيدي :
تاهت بدر ب الشوك روحي الحزينة
بين الدمع والنوح بعدك صفينة
نور البدر :
بين الالم ولآه روحي آنه عاشت
من كثر نوحي اعليه جيراني طشت
فلاح الزيدي :
لا اهل لاجيران صاير خرابه
كلبي آنه شمتت بيه كربه وغرابه
نور البدر :
زين انت يبن الناس شماتك أغراب
آنه أهلي وي الروح صارولي أجناب
فلاح الزيدي :
من روحي تطلع روح هم تعقل أ تصير
مو حكهه هي أعليك يامنيتي أ تغير
نور البدر :
أمر الله هذا عليك يالصرت روحين
مثلك صرت مجنون بس جرحين
فلاح الزيدي :
من كثر شوكي اعليك سموني مجنون
جيفن شلت يهواي رسمك بالعيون
نور البدر :
حكي من أجن يفلان حكي أنحر البيد
كلما اصد أعليه بيه الجن أيزيد
فلاح الزيدي :
قاضي أرد اصير اليوم واكلبهه شده
وأحكم عليك اعدام رمياً بورده
نو البدر :
آنه اطلب أستأناف للقاضي أكله
فاضحني بين الناس كلبي أرد اشله
فلاح الزيدي :
عندك محنه وطيب مامنهه موجود
شايل حنان النوك بعيونك السود
نور البدر :
ناكه وتدر للطيب يل الطيب أنته
يازهرة البستان يا احلى نبته
فلاح الزيدي :
بين الضلع نيران جن كلبي تنور
كل ما اكله اشبيك كال السبب نور
نور البدر:
تدري أضلمته لنور من سببتهه
سلمهه بيد الله هي وبخته
فلاح الزيدي :
عاميه وتشورين داخل بختج
كل شارة الخيرين شالته سلتج
نور البدر :
البخت يبن الناس ماظنه مبخوت
الفكر عاش وياي لمن يجي الموت
