قصيده راح اسافر للشاعر ((صبار الخفاجي)) والرد عليها من نور البدر

قصيدة راح اسافر من كلمات الشاعر صبار الخفاجي من محافظة( ذي قار )

راح اسافر
راح ابيع العندي واشتري اروراق التذاكر
وراح الم الذكريات واطوي كل ذيج الدفاتر
وراح اعوف أمي وابوي واصرخ بكل صوتي افاً حتى اعيش بدين كافر
لايهز بية الحنان ولاتحركني المشاعر
وازرع بكلبي القساوة واشتغل دفان وي اهل المكابر
راح اسافر
لالجل متعة ولاجوع وحصار ولاني ثائر
لكن بعيني شفت فوك الرصيف انداست اهواية ضمائر
راح اسافر
وادري اودع عيون تبجي وتشتهي لماكاي باجر
وادري روحي تحب طبعهه وكوة تتحمل خناجر
وادري اجر حسرة يتيم وادري وشلت الصبر بوشالة اكابر
لكن الحالة ترادت كمت اشوف ماتجبر خواطر
راح اسافر
راح اسوي الخيط دربي والظم اجروحي لظم سبحة مسافر
وبيدي اسبح خرزة خرزة وكل جرح بجروحي انغزه ومايهمني الي نزف والدمة خاثر
المهم عندي السفر بس كون اسافر
وكتم بروحي قصيدة تبات ويه احساس شاعر
والقصيدة كلشي يبدي من الصفر جدي وأنت تصير تاجر


الرد على القصيدة من كلمات أختكم نور البدر
لاتسافر
يل تريد اتبيع دنياك وتهاجر
ويل تعوف أرسوم اهنلة وتنغمر وسط الملذة بدين كافر
منو يغسل جرح ابوك الكظة عمره بوشلة دموعة يكابر
ومنو يمسح دمع ذيج الخلصت نزف المشاعر
لا يصابر لاتسافر
الكاع بور وصبخت منو ألهه لو ردت صابر تسافر
منو يفضح تاجر الدولار والذل نفسه الهم بالقوافي وبالشعر فوك المنابر
أصبرلهه وفضي خلكك خلي طبعك بع ثائر
ماينام أعلة المذلة وماتهزك ها الرعيع العوز ظكهه وقررت بيع الظماير
خلهه تنداس الظماير
بلجي تصحه اعله الوكت صاير خناجر
بلجي تصحه وينجبر كسر الخواطر
وشرد اكلك وانت شاعر
تدري جمر أكلوبنه التحسبه نامت من يطك يصبح شرار
وتدري بينه اربات اهلنه
الدكو أعروش الطغاة وصاغوة ولحنو اجمل قرار
وتدري بينه بكل كلب ملجوم نحمل قطرة من دم الحسين ...
وثورة الطف تبقى تذكار الأزل ابشع جريمة ...
مغلفة يلفة الشنار
توعه زين وفكرلهه الدنية مو دفتر تذاكر
الدنية مو ملكك يصابر
دنيتك صارت ملك كل القوافي وجلمة محسوبة أعله شاعر


تحياتي ألكم أختكم نو ر البدر

مشكووووووووووووووووورة
على النقل الجميل والرائع
أرق المنى

الشاعرة المبدعه نور البدر
بدايتا تحياتى لك ولهذا الرد الرائع رغم ان قصيدتى راح اسافر لم تكتب بالكامل على هذا المنتدى0 لى قصيدة اخرى قراتها فى ديوانك وهى يصح اللسان 0
وعلى كل حال شكرى وتقديرى لك يارائعه0ادعوك للناصريه ومعك الشاعرات من البصرة وغيرها للمشاركه بمهرجان المراءة الشاعرةوالذى سيقام فى الناصريه قريبا انشاء الله واتمنى قبول الدعوة0000 ويرجىالاتصال بيه هاتفيا ورقم هاتفى موجد لدى الشاعرة صابرين الكعبلى وكم حاولت ان احصل على رقم هاتفك لكنى عجزت ارجو الاتصال مع احترامى وتقديرى

الشاعرة المبدعه نور البدر
بدايتا تحياتى لك ولهذا الرد الرائع رغم ان قصيدتى راح اسافر لم تكتب بالكامل على هذا المنتدى0 لى قصيدة اخرى قراتها فى ديوانك وهى يصح اللسان 0
وعلى كل حال شكرى وتقديرى لك يارائعه0ادعوك للناصريه ومعك الشاعرات من البصرة وغيرها للمشاركه بمهرجان المراءة الشاعرةوالذى سيقام فى الناصريه قريبا انشاء الله واتمنى قبول الدعوة0000 ويرجىالاتصال بيه هاتفيا ورقم هاتفى موجد لدى الشاعرة صابرين الكعبلى وكم حاولت ان احصل على رقم هاتفك لكنى عجزت ارجو الاتصال مع احترامى وتقديرى 0000000 علما بان قصيدة راح اسافر كتبت عام 1995 وفىا شد سنين الحصار قساوة

ارق التحايا لكل شاعر ولكل مبدع في هذه الارض الطيبه ارض الخير والنماء0000
قصيده جميله ورائعه وهي حقيقه تعبر عن سنوات العجاف سنوات القحط وزمن الكوليرا !!!!!!!!!!!!
والاروع رد اختنا العزيزه نور المحترمه000
كان ردك جميل وفي منتهى الجمال000
ارجو ان تتواصلو معنا 00
ننتظر ابداعاتكم00
اخوكم الصكر

سلمت يداكِ اختي العزيزه نور البدر واهلا وسهلا بكم انتي والاخ صبار الخفاجي


وياريت لو نستمتع وياكم بهذه القصائد الجميله والممتعه


تقبلوا تحياتي وحترامي