أنت العين واقرب من جفنهة أنت
أنت الوالد الي يحضن بديه وليده وبنته
مانت وحيد أنت العراق بشيعته وسنته
ياهو الكال ناسيك هم ينسه الكمر وكته لو نبض الكلب يتنكر
بدكته
بس عشكك عشك مفضوح وعشك الناس كله مساتر وسكتة
صرت أنت سبت وبركبة يهودي هم سامع بيهودي يجوز من سبته
وأنت الفارس اليسبك هبوب الريح وماضن خيل سابقته
وأنت الي يرهم ترابك كحل للعين ودوه للي ماشفت علته
وأنت من ترابك نحني جفوف المعرسين وكل أصبع فرح من طينتك طكته
وأنت الي ريحة ترابك ترد الروح هيل وزعفران وعمبر بشمته
مثل تراب كاعك مالكينه تراب يرهم للصلاة من طينته تربته
لأنك حلوا والناس منك تغار ماعدهم العندك من مجد نلته
أنت أول وطن أدم وضع جدمه علي وصاح يالله لنة قطعة من جنته وأنت أول وطن حبه النبي أبراهيم ونبي ايوب ناخت بيك راحلته
أنت أول وطن علم الناس تكتب أبجديه ويكتب الياريخ وأنت أول وطن قانون سننته وأنت أول وطن كالتله الشمس يمة صباح الخير ولورادت تمسي تمسي يم كبته أنت أول وطن ماتشبه الأوطان سبحان ربي شلون صورته أنت العراق وبس علينه يلوك وأحنة أنلوكله لمن يحن وكته
