-
بقلمي-تريد أكتب
{تريد أكتب}
...
تريد أكتب
شلون أكتب
بيش أكتب يامدام
وآنا ما أگدر أخون
وين ألگاه السكون
وآنا ابراسي ضجيج
وصوت هورن..
وأزدحام
ومن نمت..؟
حسبالي اكتب
أكتب بطيفي كلام
تفجأت صوتچ ندهني
أگعد...
أگعد
ما قريت القطعه فوگك
شوفها شمكتوب بيها
بيها ممنوع المنام
بيها ممنوع الكلام
هاي كابينة الباص
هاي مو ضد الرصاص
هاي بس تحمي اليسافر
وأنته شاعر..
يامدام
يامدام...
آنا صدگيني مسافر
وهاي.....غرفة
نوم ليلي
وهاي غرفة
حلم جيلي
وجيلي يحلم
بس يلاگيله منام
والصبح من عدها أسافر
أركب أجدامي وأروح
خايف أمشي بالشوارع
آنا مطلوبه رگبتي
يامدام..
يامدام آنا أفرار
خايف آنا من القرار
ونتي تدرين...
بقرارات العدام
يامدام..
بعمري ماراكب الباص
وحته ما أچذب عليچ
وآنا احلم...؟
من أفز ...الگه
القلم كاتب قصيده
ينتقد بيها النظام
مو نظام اليوم طبعا
ينتقد ذاك النظام
...
كلمات
ناصر اسماعيل الموزاني
