الشهيد البطل ستار ابو ريشه اسد العراق

سمع صوت العراق وصاح لبيك
جمع كل العشاير وانتفض بيها
اسد مايعرف الذله ولا الخوف
كطع دابر الموت وكل ضواريها
ابن اجواد متربي بدواوين
الكرم والجود اصله وهو راعيها
ماخلا فقير يبات جوعان
ولاخلا الغريب يطب باراضيها
تعنه الكلفة قاسم قسم احرار
ينظف ديرته من كل شواذيها
زهت بيه الرمادي وفرحت الانبار
كلها بصوت واحد لفت ناخيها
كسر ظهر الارهاب ورجع التكفير
لجحورة وحسرته بذل يجر بيها
ابد ماهاب موت ولا سكت عالضيم
مشة بدرب الكرامة بروحه يشريها
بس ياوسفه غدروا بيه الانذال
مثل ماغدروا بابوه وكل رمز بيها
ابجي ياعراق الطاح خيال
وبدمة الشريف الغيرة ساكيها
ابو ريشة اصيل بكل جزء بيه
شهيد الوطن يبقى ونوره ماليها
اله بكل قلب لوعة وينحلف بيه
علم اسمه ويرفرف فوك صاريها

مشكوووووووووووووووووور
اخي حمودي الانباري
ورحم الله الشهيد ستار ابوريشه

مشكورين على الردود