**********************************************
ابزمن الستينات اوالخمسينات المهم اكوشيخ عشيرة بس اسمه للاسف ماجاي يحضرني يسكن في ريف سوق الشيوخ راد ينزل للولاية فكال الزوجته حضريلي احسن دشداشه عندي فجابتله احسن دشداشة اوطلعت الدشداشة كارضتهه الفارة من ردنهه فكال اركعيهه اوجيبهه اليه فركعتهه اوجابته اله
فنزل الشيخ السوك الشيوخ اوراح للكهوة الي يكعد بيهه ابو معيشي فكتب الشيخ بيت لبو معيشي ايكول بيه
مره اكتم دمعتي مردنهه
الليالي اشكثر روحي مردنه
الدشداشه اركعتهه مردنهه
كصه وياي وكتي اوخان بيه
******************************
اوخله البيت عد الكهوجي اوكاله من يجي ابو معيشي انطيه هذا البيت
وانه العصر اجيك وكله ايريد الرد العصر
فراح الشيخ وبره دقائق اجه ابو معيشي للكهوة فاجه الكهوجي اوكاله اليوم اجه شيخ افلان اوخلالك هذا البيت ويكول اريد الجواب العصر اجي اخذ الجواب
فكال ابومعيشي للكهوجي اقره البيت فقرء عليه البيت اومن خلص كاله اكتب الجواب
فجاوب البيت ابهذا البيت
عله راسي صكعني حيل // كله
زماني اوكال صوجك كلت// كله
ثوبي طاح من جدام // كله
صار اخيوط وتستر بديه
****************************************
اوجه الشيخ العصر وكال للكهوجي بشر
فكال الكهوجي هذا البيت خلاه الك ابو معيشي فقرء الشيخ البيت وبتسم
اوكام ايسولف هاي القصه ابكل ديوان ايروحله
**************************************
م
ن
ق
و
ل
أرجو ان تنال رضاكم
