بقلمي-ذاك الجفن..بعده الجفن

{ذاك الجفن}
....
ذاك الجفن
بعده الجفن
ع السهر عيني أتعودت
مره تون
مره تحن
الروح الك ماهودت
الليل ديوان اليحب
وضيوفه جفني والكلب
والعين أسكته وتصب
وأنته تمن
بحبك تمن
وأحلامي كلها أتبددت
+++++
وداع الصبح
كسرة... جنح
العين غصبن دمعت
مثل ...الملح
فوك الجرح
روحي بجفاك تلوعت
الليل عندك ...
حلم وردي
ومثل الكحل..
كابوس عندي
حته الكلب..
بجفاك ضدي
زاد الحزن
فوك الحزن
وأسباب حزني أتعددت
+++++
رد يامحب
بعده الدرب
ينطر بشوك أجدامك
وذاك الكلب
بعده ..الكلب
عايش بذكر أيامك
لا..يا نده ...
طولت ع الصبحيه
وندري النده..
ينزل وي الفجريه
رد ياحبيبي..
أظنوني لعبت بيه
روحي تظن
وكلبي يظن
روحي اعله كلبي أتمردت
10|4|1989