بقلمي-أسألها ليش................

بقلمي-أسألها ليش................

{أسالها ليش}
........
أسالها ليش
تگلي دنيا
تگلي دنيا....
وارد أعيش
فجئتاً...
گالتلي أرحل
بلا سبب
گالت لتسال
مايهمني...
ترضه تزعل
وي روحي
چم مره أسالت
وچم مره
بيها أتحيرت
شلون الذهب
طين أنگلب
شنهو السبب
أسألها ليش
أتگلي دنيا
أتگلي دنيا...
وأرد أعيش
@@@@@
شلون الوعد
ينكر الچلمات
شلون الشهد
ينكر الوردات
شلون الورد
متهزه نسمات
شلون السنابل والحمامات
تنسه العصر
شلون البلابل والصباحات
تنسه الفجر
شخلاها
صارت ماتمر
شنساها
والعشره عمر
كلما أگلها أشغيرچ
وعن المحبه أشبدلچ
أسالها ليش
أتگلي دنيا
أتگلي دنيا..
وأرد أعيش
@@@@@
آنه بعدني
ذاك الاول
لليوم أگولن
متحول
متبدل
بس الحقيقه بالعكس
اليوم هيه مو أمس
وردتها....
مابيها عطر
ليلتها..
مابيها فجر
شمعه وخفت....؟
بيها الضوه
ريح وسكت...؟
بيها الهوه
چنها ولا شافتني
چنها ولا عرفتني
أسالها ليش
أتگلي دنيا
أتگلي دنيا
وأرد أعيش
.........
.....كلمات
ناصر الموزاني