البارحة شفت الوطن بالطيف اجاني البارحه ..

البارحة شفت الوطن بالطيف اجاني البارحه ..

گتله هلا ومية هلا يابو الخيول الجامحه ..
مديت اديه تسالمه شفت الگلب قبلالجفوف يصافحه ....
http://img.aljasr.com/icon.aspx?m=blank شلونك گلت ياموطني وظنوني ظلت سارحه ..
وانقطع وسطي منالخجل من الخجل وعيوني ظلت شابحه..
قال اطمأن ياولدي كفتنا هي الراجحه ..
گتله الْيِرد ياموطني لحضنك الدافي تسامحه !! ..
گال اْليِرد وإلْما يِردْوحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقراعلى روحه الفاتحه ..
گتله يبه ياموطني عندي حجي بغزر الدموع المالحه ..
گالاحجي گول شما گلت طبع الوطن مثل الابو واجب عليك تصارحه ..
گتله يبه ياموطنيليش انت من دون الدول صاحت عليك الصايحه ؟؟
وليش انت من دون الدول أطفالكالحلوين بالدم سابحة ؟؟
وليش انت من دون الدول بكل بيت عندك نايحه ؟؟
وليشانت من دون الدول ناسك إتْصبّح نازحه ؟؟
وليش انت من دون الدول جيرانه كلهاتواكحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم لمنحِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بالحجاج هو الذابحه ..
يبقى الوطن هو الاصل والناس هي الرايحه ..
كفكف دموعكياولد ادري بغريب الدار شوگه الجارحه ..
وادري بغريب الدار كل ما يِعتلي وكل ماصعد وشْما كسب خسران كل ما رابحه ..
حتى الطيور إلها وطن تهاجر لجل لمن يهزهاالشوگ ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وكت يا موطني نحلم وطنا نصافحه ؟؟ ..
وخلاف الوطن تبقىالبشر مثل البهايم دايحه ..
والبارحه شفت الوطن بالطيف أجاني البارحه .


الشاعر المبدع عباس جيجان.

شكرررررررررررررررررا
أخي على الاختار الجميل
أرق تحية من القلب
تقبل مروري

اخي العزيز انها لكلمات ذات حس وطني كبير ارجولك التوفيق0