لو ردت تشكي هواك .. بقلم عبد القادر الزيناتي

لو ردت تشكي هواك
لغيري لتروح وتنتحب
اني سترك وي غطاك
اشتكره اعرف وش تحب
راح امل اني هواك
وعن دربك ابعد وانسحب
ولو ردت ابقى معاك
شخطأت ... ذكرني بذنب
اني ال صنتلك هواك
وممشى الك صار القلب
وجرحك اني وي دواك
للموت احبك منسحب
و روحي تتوسل رضاك
وتعرف بمشيك صعب
وانت عل روح شغلاك
اغلى من مي الذهب
وانت للعين شحلاك
عثك بانواع الرطب
ورغم مغتر بحلاك
تشوفك العين وتنعجب
وانت حسبالك دلالك
للقلب يسلب سلب
اني ما ارضه وحياتك
تذلني كلمة من محب
ولغيري ما ارضه شكاتك
عاتب وقللي قللي بذنب
الزيناتي