قصيده بعنوان ولك ليلي بغيابك وحشه للشاعر عبد الكريم محمد الحسون

ولك ليلي بغيابك وحشه ودموع
واصبح الصبح ينزف كلبي حسرات
ودشداشه الصبر فصلته للروح
ولو شكه الزمن ركعيته اهات
مو كلبي انطعن وانسحنت الروح
من شفت الهجر رافعله رايات
يا برعم فرح شتليته بالروح
حسافه تموت عمرك بعده ساعات
يا احلى حلم نايم بالجفون
يصحيني الدهر الكاه دمعات
ليش انت ولك تتركني وتروح
ما قصرنه احنه وياك بذات
بيبان الكلب مفتوحه لك دوم
وشتلت ادروب جيتك كلها وردات
وخليتك تصول بكلبي وتجول
ولا مره كلتلك لا هيهات
وصرت انت دليل لكلبي والروح
ولو تعثر يكللك سلامات
وخلعت انه الفرح لبسته لك ثوب
وعليك الوكت كتله امطر مسرات
وافرح بيك لكن كلبي مهموم
اخاف من الغدر يطعني طعنات
8/7/2012