بقلمي-مامعذور

{ما معذور}
...........
...........
ما معذور
من صوتك تبيعه
وتشتغل مأجور
من چفك تحطه
بچف أمير الجور
مامعذور
يفتيلك وهابي
وتقتل الاطفال
وتفجر بنفسك
مسطر العمال
وتنحرلك ....بشر
مثل الطلي المنحور
مامعذور تتلقه الاوامر
من حمد وحمود
من هاي الوجوه السود
من شلة أميه
شلة آل سعود
من شيخ الرذاله
الناصبي العرعور
مامعذور
من تنكر حضارة
سومر وآشور
ما معذور
بيبان الوطن
تفتحها لهل الجور
لاتفرح بكتلي
دنيتك ناعور
كلها وداعتك
باچر عليها أتدور
مامعذور
ذاك نائبنه المقاتل
ذاك نائبنه المناضل
چان يصرخ بالقضيه
ويحچي بأسم السجين
السجين المعتقل بالداخليه
يدافع وكله حميه
عن حقوق الابرياء
طلع يقتل أبرياء....؟
طلع يقتل ع الهويه
هذا من بعد الرئيس
وعلى هذا وأنته قيس
شلون بالكتله البقيه
هاي أجنده خارجيه
واضحه كل الامور
طلع ع الظلمه النور
وانكشف كلشي أنكشف
ماظل بعد مستور
مامعذور
مامعذور
ما معذور
أتنصب الحرامي
ع الوطن ناطور
أتنصب الحرامي
ع الوطن ناعور
......
......
........كلمات
ناصر اسماعيل الموزاني