بقلمي-يافرحه التجي{بحر الطويل}

{يافرحه التجي}
......
يافرحه التجي.... والراح كلّه أحزان
ويا ليل اليمر ع ...العاشر نجومه
حرگ گلبي الزمن بالشوگ والهجران
شيطفي المحترگ لو شبت أهمومه
أحاچي الروح مره ومره أجر حسرات
كريم ومستحي.. چي أيدي ملمومه
أهدومي من الفقر بالشمس تطي ألوان
بس وجهي بقه... ما غير أهدومه
بعت أكثر غراضي... ومابعت ملگاي
أحيي ال ليجي بالملگه والگومه
أرسمت لون المكارم رغم لون العوز
علّي لون البخل ماترهم أرسومه
تحلالي المكارم.... وانه أخدم ضيف
ومن غير الضيوف الخدمه مذمومه
مثل ورد الجبل.. ما أطلب آنه الماي
يجي بليلي الندى ما أطلب أغيومه
أظم عوزي بصبري.. وما أبين العوز
وأفز بالمستحه لو غمض أبنومه
ما أسال لئيم بوكت.......حالت عوز
ولا أذل للذي.. بيه غيره معدومه
قليل من الذمم... ظلت صرح ليفوگ
وأكثرها الذمم.. صبحت مهدومه
غدار الزمن .....ما خلّه طيب فوگ
وچم واطي أرتفع كرسيه بنجومه
أكابر بالصبر وأمشي بطريق الموت
ولا أبيعن ضمير لقيصرت رومه
أهو اليملك ضمير.؟ يسخره للظّلام
لو يطي ضميره الناس مظلومه
...........................
.........كلمات
ناصر اسماعيل الموزاني