أشره على الشاعر اللي يجهل البيـن
ياخذ مفاعيل خلق الله علـى الفاضـي
اخذت مفاعيل خلق الله ماهـو هيـن
والبينه واضحه من وقتنـا الماضـي
وقصه فهد واضحـه والعلـم متبيـن
اللي قضى في لزوم الشيخ ابن راضي
يوم اعتزا مانظر في مديـن ومديـن
رجله تطب الخطر لو دونها لاضـي
ماقال بكره ومن شافـه ومـن عيـن
خل عليثه يصيـح وصاحبـه قاضـي
من كف قرمن يزيـد الديـن ويديـن
يارد مواريد وضميانن على الحاضـي
قرمـن يسـد اللـزوم وماقفـه بيـن
ياخذ على القوم فوق الخيل مركاضي
والشاعر اللي يجر الصـوت متعيـن
قافن يخلي صخيف العقـل يهتاضـي
ماهو على الكيف يفصل ناس ويعيـن
مثبته مع رجـال مطيـر وعياضـي
ثبـات ماهـو كـلام فـلان وفليٍـن
اللي علومه طوال وخشومه عراضي
شالو نياقـه عشيـه فايمـن الضيـن
من دون ريكات يم الشعب ليافاضـي
وعرض جواده يحسب الباجم هويـن
مايدري انه في قبات البحر خاضـي
ماقف فهد مايجيـه ضعيـف وهويـن
يوم اكثر القوم جاء فالقلـب نضافـي
قال استلامها وانـا لهلوقـت متحيـن
يوم الهنادي تثور وضربهـا شاضـي
:66 (9): :66 (9): :66 (45): :66 (6):
