ضوجه وكتبت يمكن شعر يمكن طركاعه

ابن العراق اني وبسمي شبر ماعندي من كاعه

بلأجار كظيت العمر والشهر يكظي عبالك ساعه


واهل الكراسي مايرضون ابد اله تكون ركن كاعه


برلماني وبحزبه يتقوه وبطل محد يكدر يلوي ذراعه

فيلسوف ودكتور بلجذب وهو شهادته الفساد والصياعه

قبطان وبخيرات العراق مبحر والجذب قاربه وشراعه

قصور يبنون وبلعلالي هاي لايف وحنه عايشين بطركاعه


يئمر ويتئمر ولكل بئمرته يمشون سمعا لك وطاعه

لا اصل لا دين لا مذهب والبوك عنده حرفه وصناعه

بلحقد كلبه الاسود مليان وصدكوني الحقد زارعه زراعه

يحارب هذا يخاصم ذاك ما يهمه يشتري ويبيع كل ساعه

باجر عكب باجر لازم يجي يومك ونعلكك مثل الفزاعه


وعليك دنيانه أدور دواره وما تلكه لا شفيع ولاشفاعه

بقلمي المسكين

سلمت يمينك اخي لهذا السرد الرائع
كنت بكلماتك تحاكي الواقع المرير الذي يمر به البلد
عسى ان يسمع صداك من لهم باع في حكومة الكراسي
لك فائق مودتي وتقديري