عايـــــف سيفــــك وتـــذبحني بـﮔــراب

جرحك بيــه يشبه جــــرح يعـﮔـوب
ذر بوسط عيني فراﮔـــــــك اتــراب

جــرح البيــه تــدري شكبـره بجفاك
تخيل ﮔـــام يعــــــــرف يلبس ثياب

اشوفك ع الهجر شـــــــديت الحزام
وظـــن رايــــد تعاشـر وادم اغراب

ذبت كلــي بغيابك مثـــــــل الشموع
وثلج هجرك بنارالفرﮔـــــــه ماذاب
ا
نه المشتاقلك ﮔــــد دمـــــــع العيون
وعلي تشهــد شهـﮔـتي الكضت الباب

اوﮔـــف عيــــوني لورادت تحاﭼــيك
وﮔـــص لساني لـــوفكـــــــر بالعتاب

اهــــد صـﮔـور ضني بصحـرة جفاك
ويرد صـﮔـر اشتياقي وكلشي مـاجاب

ابــــدي مـــاي وجهــــي بهيمت البيك
ورد نـــــدمان جايب بـــــس الضباب

هــــــم شايف جـــروح وبيهـن عيون
بــس عــــدي الجروح يلبسن انـﮔـاب

الك اشعـــــل اسنينــي بصفنــت الليل
وعلى ذكـــرى انتضارك ابقـه عطاب

خيــــب صاحي واشوفـــك حلم مريت
وعلي ﮔـــالو تســــــودن شـگ الثياب

اشوفك بالحلـــم ﭼــــن وجهــــــك ندار
وســـويلك عــــذر وخلقــــــــك اسباب

يالمبـﭼـي ظحكتـــي بابــــــــك سنـــين
عمــــــري سنيــــن بيدك وانتـه حطاب

دخلص باقــــي عمـــــري شمنتظر بيه
عايـــــف سيفــــك وتـــذبحني بـﮔــراب

خلــص بيّ نتظـــــارك عجــــــل ويــاي
لان توبتــــــه مــــــــنك ﮔـــــلبي ماتاب

حيـــــــــل ولاترحمـــــه وأوجـــــر وياه
ونـــــه وداعــــت عيونك حاسب حساب

وذا يشهــــــد سلاحـــــك انــــــــه ابريك
وﮔـــولن ماذبحني وسيفــــــه ﭼـــــــذاب

بقلم الشيخ ابوحيدرالشويلي

صح لسانك شاعرنا الكبير
قصيدة من ذهب
لا حرمنا روائعك استاذنا الغالي ابو حيدر
وفي انتظار المزيد مما يجود به علينا قلمك الرائع ،
لكم اطيب تحايانا
وخالص التقدير

[QUOTE=ابو فاطم;1226579]صح لسانك شاعرنا الكبير
قصيدة من ذهب
لا حرمنا روائعك استاذنا الغالي ابو حيدر
وفي انتظار المزيد مما يجود به علينا قلمك الرائع ،
لكم اطيب تحايانا
وخالص التقدير

حبيبي الرائع ابوفاطم مرورك هنا سرني
وانار متصفحي ماننحرم هذه الطله
ربي يحميك تحياتي لك

من الجميل ان الذوق الرفيع والكلمة العذبة لاتزال تجد طريقها الى هذا العالم ... قلة هم الذين يتحدثون من القلب .. تحياتي لك أبو حيدر