يالله يالمعبود علام الاسرار =فرج على عينٍ تزايد بكاها
امس العصر مما جرى صرت محتار= شيٍ جرى باقصى الضماير كواها
على عشيرٍ شد واقفى عن الدار= وضاق الفضاء بي والعيون بعناها
ومن العصرلليل كني على نار= ونار الموادع تحرق اللي وطاها
سهران ليلي واصفق يمين بيسار= واتابع انجومٍ سرت في سماها
ياأغلى بشر عقبك لحق روحي اخطار= والقلب دونك لحظةٍما قواها
ماقوى الصبر دونك ولاني بصبار= حبك بقلبي له بيوتٍ بناها
يا صاحبي مجروح وجروحي كبار= وزيارتك طب الجروح ودواها
والله لسري لديرتك فوق فكسار= مسراه شف النفس غاية مناها
بقطع على شانك طويلات الامتار = مامل من خطٍ ديارك نصاها
ياللي تتل القلب وشغلت الافكار = زينك خذى عقلي وحالي سباها
لو قلت في وصفك جميلات الاشعار = وصايفك ماني بلاحق مداها
