راح اتوب
أنه ابيض گلبي خالي امن السواد
أبد ما يكرهه بشـــــــــــــر صدگوني
للأحسه يريدن بــــــــــوكت الشداد
بودي اشلعله يناس عيــــــــــــــوني
بس أسف ما عندي حظ اويه العباد
الأ حبهم ثبتو يكرهــــــــــــــــــــو ني
طحت بالشدة وصـــــرت مثل الرماد
گبالهم ما فزعــــــــــــــــو يشيلوني
طايح وجروحي ايألمني
وگليبي اتعذب من وني
والكل اعليــــــــه ايمرون
ومحد مد ايـــده وگومني
أنه ما مرتاح كل يـــــــــوم بمكان
دگدگت بيبان اهلي وناســـــــي
وكلهه مني اتبرت بهذا الزمـــــان
وما كو واحد ما جـــرح أحساسي
أهلي ظلموني ظلم كلش جبان
والزمن وياي احسن قاســـــــــي
ألزمان يريـــــــــــدني بكل امتنان
للي ما يسوه أدنگ راســــــــــي
ما دنگ راسي الهل ناس
والوي الزمـــن برفعة راس
انه المتعلم مـــــــــــا ذلن
من زينب اخــــت العباس
الزمن واهلي ابــــــد مو ظالمين
انه ظالم روحـــــــــــي يا واد اكيد
چنت عايــــــف درب رب العالمين
وامشي وسف بدرب هارون ويزيد
راح اتوب واعلن التوبـــــــــه بونين
والحياة ابديهه من جــــــــد وجديد
وارضي ربي اليوگف اويه المؤمنين
وابدي اصلي واقره قرأنـــــه المجيد
واعرف يرحمني الجبار
ويبـــــــرد بگليبي النار
ويزيل اهمومي وانساهن
من امشي بدربه ابأصرار
خادم الحسين (ع) ان شاء الله
الشاعر
احسان القريشي
