{دمعت قَلم}
.....
........
دمعت قلم
دمعت قلم
طاحت على متون الورق
تركت ألم
وجروح في آخر رمق
جرحك وفي
نايم چفي
أبگلبي ظل وما يفز
انته الخفي
مجهول وبميّة لغز
جرحك رفض ترحالك
ونته أتركتني شمالك
وأنته الخنت
وأنته اتركت
خليتني بآخر رمق
-----
دمعت قلم
طاحت على خدود الورق
@@@@@
........
دمعت قلم
طاحت على شفاف الجرح
تركت ألم
واجروح مرشوشه بملح
ماظن تصح
صعبه تصح
وأنته بجدم فوگ الجرح
تردح ردح
وانه بگلب عايش قلق
ليلّك يفرعن وانتظر
أمتاني يطلعلك فجر
بلچن يجي طيفك صبح
وتنام عيني من الارق
------
دمعت قلم
طاحت على متون الورق
@@@@@
......كلمات
ناصر اسماعيل الموزاني
