{ مانطرتك}
-----
------
ما نطرتك....
مانطرتك.....؟
لو نطرتك ما خسرتك
چنت كل لحضه تجيني
فجر ابيض
چنت بين رموش عيني
ورمشي غمض
الصوچ بيه ماعرفتك
.......
مانطرتك...مانطرتك
-------
بطولك محيّر السنابل
بمشيتك حيراننه
بصوتك أصوات البلابل
معجبه - ولهانه
من رحت حسيت بيك
روحي سالتني عليك
بيوم ما قررت أجيك
دوريتك
ما لگيتكك وفتقدتك
.....
مانطرتك.. مانطرتك
------
انه ماأعرف احب
الحق عليه
الذنب ....؟مني الذنب
إي والله بيه
چنت يمي مگابلك
بس مو حبيب
چنت ما أشتاگلك
مثل الغريب
والبعيد أنت اعتبرتك
.....
مانطرتك... مانطرتك
-----
عطرك الي چان راقي
وينه عطرك
رازقي وجوري عراقي
وينه عطرك
چنت أشوفك شوك
بين عيوني
عيوني هم ظلموك
ما دلوني
عيوني ما شافت ثمرتك
.......
ما نطرتك...ما نطرتك
-----
آه يانسمة فجر
فوگ السطوح
آه يا لذة شعر
يا غذه الروح
آه.....
ريت الآه تنفع
آه.....
لو بالندم ترجع
أدري ما ترجع عشرتك
.......
مانطرتك....مانطرتك
------
أستوحشت بعدك أعيوني
أستوحشت
بالگلب زادت شجوني
وعشعشت
دورت عنك صباحات العراق
وأيسيت
بكل مدينه----- بكل زقاق
وبيت بيت
وين الگاها محلتك
......
مانطرتك....مانطرتك
-----
.........كلمات
ناصر اسماعيل الموزاني
