خجل حتى الوطن من شافنه بهالحال
خجل حتى الوطن من شافنه بهالحال
مثل والد عليل اتعاركو ولده
ياجار اليفزعه ويدري بالجيران
متحزمةعليه وتشتغل ضده
اذاما يهده تهده وتفرح وترتاح
اولاتهده دقيقة لو صدك يهده
باوع عالدول والناس وصلت وين
واحنهبهالخلاف انجيبه ونرده
مسرحنا انعرف واشتهروا الابطال
مخطوف وشهيد ولازمه العده
ومجهول الهويه وجسد مابي راس
ومفجوعه بولدها وتصرخ بسده
مسكين اليتيم يمر عليه العيد
ودموعه فواتح ناصبه بخده
كلي بيا ذنب كتلوا ابوه ...وليش
كوم اعيال عده وكلشي ماعده
وكلي بيابخت جابوه بغيرازنود
للجابت عمرها امجلبه بزنده
جرحك مثل جرحي وبلوتك بلواي
وصوابك اصوابي اشلون ما شده
ناوشني المحبه وبوسةالتجبير
خلنكطع نزيفه ابلسم الوحده
اشكد مشتاك امر للاعظميةاليوم
والنعمان ازوره ويمك اتغده
ونعبرعالجسر نتمشه انه وياك
يم باب الحوائج غيضنا انهده
تره لاخير بوطن ماتغفه عينك بيه
ولاخيربشعب مايعبر الشده
ولاخير بشعب مايعبر الشده
للأمانة منقـــولة
مشاركة: خجل حتى الوطن من شافنه بهالحال
تسلم ايدك ياطيب على هذه المعاني الرائع والله يخليك النة وممنون عيوني انت وننتظر كل جديد مشاركاتك ان شاء الله تقبل مروري
اخوك مهند البكري
مشاركة: خجل حتى الوطن من شافنه بهالحال
معاني جميلة و كلمات صادقة
اخي العزيز انت دوما تتحفنا بالجديد
تقبل تحياتي
اخوك سيرانو
مشاركة: خجل حتى الوطن من شافنه بهالحال
تحياتى الكم ومشكورين
هــذا اني العــراقي الما كســرت العـــود ولا يـنمـس دخيـل يلوذ يم بابي
لا بعت اعربيتي ولا كـلت امين ولا خــنت الـــوطــن واقـبـضـت اتعابي
انـي ابـن الرصـافي الما خـذلت الگـــاع و لا تعـرف مـذلة حــروف سيابي
رضعت مــــــن المعـــارك نكهة البـارود وبـدم الغــــــزاة ملوثة حرابي
