برجك بالدارمي حلوووووو

الحمل
********
الكلب صح وياك ينضح مشاعر

بس خلي يطغي اعليه صوت الضماير

الثور
********

صح جرحك ايأذيك بس بالك اتصيح

واوكف صخرجلمود من تجبل الريح

الجوزاء
********
الدنيا صح وياك تمشي ابهداوه

تنكلب مره اوياك بعد الحلاوه

السرطان
********
بالك تخاف العوز ذب كلشي بالجيب

ثق يجي اعليك الخير من منهل الغيب

الاسد
*******

العشك مامرغوب لاتكرب احذاه

تاليهه نص تموز اتصيح اشاه

العذراء
*******
صح عندك افليسات وامنشنش الحال

بس عندك انت اهموم ما اضنهه تنشال

الميزان
********

عندك افكار اكبار عندك مواعيد

تابعهه تلكه الخير بدروبك ايزيد

العقرب
********

عندك ربع واخوان من تحسب اهواي

مثل السراب اوياك صدكني موماي

القوس
********

حضك صعب ياصاح حضك مصيبه

الدمع من الغيم عينك تجيبه

الجدي
********

بالصبر والايمان تتعده الهموم

من توكع اعله الكاع هم ترجع اتكوم

الدلو
*******

وقتك ذهب والماز وقتك جواهر

الفرح صار اعليك مثل الدوائر

الحوت
*******

ضيف اعتناك ابليل بالك ترده

تدري العشك لوراح حيلك يهده

ألف شكر عيوني جهراء كلمات روعه

تحــــيـــــاااااتــــــي ألـــــــچ

أبـــن ألـــقــــائــــم ألـــحـــزيــــن

الله ينطيك العافيه على هذا الموضوع

مشكوررررررررر عاشت ايدج كلمات جميلة

مشكور ة اختى الغالية على هيج مشاركة وهذا برجى هههههههه




الدلو
*******

وقتك ذهب والماز وقتك جواهر

الفرح صار اعليك مثل الدوائر

الله فكرة من الروعة اسمع برجك بالدرامي
خوش شغلة هاي
مشكورة اختي فكرة ما شايفها قبل
تقبلي تحياتي
اخوك سيرانو

مشكوررررررررررررررررررة
على هل الموضوع الجميل والغريب
تقبلي مروري

صح جرحك ايأذيك بس بالك اتصيح

واوكف صخرجلمود من تجبل الريح



داميات روعه
عاشت الايادي