بغداد بالامس يا دنيا زارتني

بغداد امس بالحلم يادنيا زارتني
من الباب سال الدمع وبلهفه شبكتني
عشرين عام انكضن بالغربه والترحال
والحزن خضر حزن واتغيرت الاشكال
عودي ذبل وانحنه والشمس حركتني
وبغداد بس باوعت يادنيا عرفتني
شميت بيها الوفه والشوق واللهفه
ضمتني اعلى الصدر وبقلبي الرجفه
بغداد مومثل امس يادنيا مختلفه
مهظومه من الحزن ودموعها نهران
حسراتها من القلب نيران جوتني
بغداد امس بالحلم والله بجتني
ابصوت الالم والكدر والخوف سألتني
وين اهلي عني ارحلوا وظلت خليه الدار
لاطارش الي اجه ولاوصلولي اخبار
مانمت من سافروا النوم مني طار
وجروح تنزف حزن القلب ظل محتار
يمته اولادي ترد جاوبني ياعمار
ردت احجي بس عبرتي يايمه خنكتني
بغداد امس بالحلم والله بجتني

الله مشكورة اختي على هذا الاحساس
الجميل و صادق المنبع و مرهف المشاعر
اهنيك اختي
تقبلي تحياتي
اخوك سيرانو

اشكرج على هذا الكلام الجميل
وتقبلي مروري


كرار الرسام

اختى العزيزة تحياتى الك ولشعورك والله كريم تفررررررج


يا مهد الحضارة ومرقد الوليان يا روض الجنان وبيه ادفنوني


يا نبع العلم يا شمعة التاريخ يا بيت الاهل يا قرة عيوني


تبقى انت العراق واني احبك دوم ما انكر افضالك لو يذبحوني

اختي العزيزة ان كلماتك ذات رونق جميل واتمنى لك التوفيق0

شكررررررررررررررا
على المشاركة الاكثر من رائعة
تقبلي مروري