غريب وتيهت..الشيخ ابوحيدر
غــريب وتيـهـت مـابين ناس اجناب
ﮔــــلي شلون اعرفـــه بعـــد عنواني
البشرنفس البشروالناس نفس الناس
بــــــس السانهـــــــم مايشبه الساني
صرت عايش غريب وهمي كبرالليل
بلحظه الغربه باﮔــــــت مني خواني
ودﮔ بــاب الندامه وﭼـفي يـﮔـطرعوز
بـــــــــــــس بيبان ادﮔــن غير بيباني
احسب بالنجم بسكـــون اخلـص الليل
خلص عمري غريب وصبحي ماجاني
من عفتك بـﭼـيت ونــــزل دمعي انهار
هم دمعك نزل للفرﮔـــــــــــه مثل اني
مودمع النزل لا لا نـــــــزفت اعصاب
وياهــــــن نزفت دمـــــــــوم شرياني
حسبالي البعـــــــــــدعنك حياة يصير
بـــــــس ثاري البعــد بالغربه دفاني
بعدعينـﭻ يدجله ﭼـــــــنه شح الماي
وبحارالدنيه ماظــــــــن بعد ترواني
وبعدعينك عراق الخيرصـــرت يتيم
وتدري باليتيـــــــــم يعيش وحداني
ﭼــــــن يوم الطبك من يوم فاركناك
وهم شايف طبـﮔ بيه تضحك اسناني
يصينية كرامـــه ومنها ينـﮔـــــط خير
حتــــــــى لليـذبحك صــــرت جيواني
شمالك ياوطـــــــن لماني حضن الغير
وشكبراتــه حضنك عيـــــــــــب لماني
يعني لومتت ينكتــب مـــــــــــات بعيـد
وبـﮔـــــاعه اندفن وبسرعه تنسانــــي
ماترضاه الي لاوحـــق داحـــــي الباب
وبعــد ريحت ترابك تــــــرس قمصاني
ﮔــمت اشتاق حتى الجارنــه المجنون
ودي كـــــــون اشبــﮔــه هيـﭻ بحظاني
ﮔمت اشتاق أســـــــلم بيدي مــن بعيد
صباح العافيه عليكــــــــــــــم يجيراني
وبعدها ام الجهال تفــــــــز توالي الليل
ومن كثر البواﭼـــــــــــي مزرفه اذاني
وتـﮔـلي اتحلمت ﭼـن صار طبـخ حسين
وبنص الجــــــدوره مسرفنــــــه ارداني
وعدي ابني مريض وعود اشوفه اطفال
يــﮔـلي ويـــــــن ذولــــه ويــن صحباني
وبعد بتي الزغيره تصيح يمتــــه نروح
وتـﮔـعدلي الصبــح وتـﮔـــلــــي شمتاني
بقلم الشيخ ابوحيدر الشويلي
رد: غريب وتيهت..الشيخ ابوحيدر
الغربه صعبه الله يسهلها عليك شيخنا
وترجع بالسلامه
رد: غريب وتيهت..الشيخ ابوحيدر
الله ايها الشيخ الرائع ... كلام جميل جدا وصورة رائعة الالوان ... لا ادري ااميل طربا لتلك المعاني ام اذوب حزنا لما تحتويه من حرقة ولوعة
تحياتي لك ولأبداعك الذي لا ينتهي
رد: غريب وتيهت..الشيخ ابوحيدر
قال الكروان شعرا
فأبهرتنا
دام صفاءك
وغناءك
أيها الكروان
لك ودي
تقبل مروري
د. السيد عبد الله سالم
المنوفية - مصر
رد: غريب وتيهت..الشيخ ابوحيدر
[QUOTE=هد250;1225591]الغربه صعبه الله يسهلها عليك شيخنا
وترجع بالسلامه
الله يسهل على جميع الاخوه المغتربين
شكراً للمرور تحياتي
