قصيدة شكد حلو من تمشي انت للشاعر عبد الكريم محمد الخشالي
شكد حلو من تمشي انت
شكد حلو من تمشي انت
الكاع من يمهه تصفك ..تصرخ دكلك أعد
ولو تمر انت على ميت
ما ابالغ لو اكولن .....من وقع خطوك كعد
ولو حجيت انت تغرد
والبلابل ويه صوتك ...صوتهن جنه رعد
يا حلات ارموش عينك
فدوه كلي ..هم سبن قبلي احد
ما تخاف انت عليهن
انا خايف ولك صدك ...بس عليك من الحسد
يا الجمالك احلى من بدر التمام
هو بس بالليل يزهي...وانت ما تطفى ابد
يلي وجناتك مثل رمان جنهن
منين جايبهن ..دكلي من بلد
مو سبيت الناس بيهن
ما بقى شايب ولا طفل وولد
كلها صاحت اه منك
ولو شكت تلكاني ..اول من شهد
شنهو كلي منين انت
ما شفت قبلك مثل حسنك ...ولا اشوفن بعد
يل على امتونك ينام الليل
نومني ولو مره على صدرك ...ولا تفززني ابد
ولو بقيت انه اناغي
كوم لوليلي وهزني ..مثل طفلا ال بالمهد
ولك كلي منين حمرة هالشفايف
هن والليلو ال ابصفهن ...يروضن حتى الاسد
فدوه خليني حرف جلمه عليهن
بلجي تنساني ..وضلن نايم بهذا الشهد
انه ردتك واشتريتك
وبيش ما كالو يغالي ..حتى لو سعرك صعد
بس سعر عينك يساوي
عمري كله وكل هلي ..واللي بعد
