شماتصد عني
شما تصد عني وتكابر
ما اعوفك مستحيل
وافترش عتبه اكليبك
بلجي تقبلني دخيل
انه مليت المتانى
صبح يمشي ويجي ليل
وانت مغرور بجمالك
كل وقت بي تعيل
وانه كلبي صبريته
وكتله عض عل الجرح حيل
ولا تضن انه املك
وامشي ادورلك بديل
انت حبي واشتريتك
والثمن نوح وعويل
اه لو تدري بعذابي
فركتك هدت الحيل
خلص عمري بس اتاني
والبقالي شكد قليل
يله يمعود دفضه
واتخذ موقف اصيل
وعوف كل هذا المكابر
وافتح لكلبك سبيل
ولك مو عينك تفضحك
وعن هوانا ما تميل
4 :66 (6):
