قصيدة انه وانته للشاعر عبد الكريم محمد الخشالي
وهسه صرنه اثنين ما بيناتنه حب ووئام
ولو جنت بالمغرب انه...وانت بالمشرق اسمعك
ولو كلت افيش اكولن يا سلام
ولو شفت مره الهواء زعل كذلتك ....انه امنعه
واجعل الكذله وشعر زلفك ترى الارض الحرام
وجنت نايم وسط روحي....وصار الك كلبي مخده
ونبضه وكفته اخافن من تسمعه ما تنام
ولو شفت دمعه على خدك.....تنمسح برموش عيني
قبل لاتمسحه انت بطرف ايدك والابهام
وطرنا باحلام العشك مثل الحمام
وشكد فرحنا وما تركنا الزعل يسطي
وشكد تركنا اعيونا تحجي وتسولف
وموجه يشمرنا على الشاطي بسلام
وطفت شمعتنا وبقينا بالظلام
غير ذكرى معلكه بغصن الايام
والبنيته وياك صبحت ولكيته
وفرقتنا اظنون منشئها الاوهام
ورجع طير الحزن عشعش.... وسط كلبي
وطاح من غصنه وسقط وسط الاقدام
وضاعت اسرار العشك..بين وبينك
