اتحدى عزرائيل...الشيخ ابوحيدر

انه مستعد وتحـــــــــــــــدى عزرائيل


يجيني بيــــــوم يقبض روحي بالقسوه





غير انخه علي ويدري بعلي موجـــود


وبعد حيدر علي ومعـــروف بالنخــوه





بـﮕـبري لومتت اعــرف شراح يصير


من انخـــــــه ابو فاضل صاحب مروه





عــــــــــــودهناك منكر لونكير يـﮕـول


شنهي شقدمت والســـــــــــــــوط يتلوه





احّـــــــــــلف ابو فاضل بالسبوها بلليل


ﭼـــــاغير اليغثنــــــــــــــي يبتلـي بلوه





ولوﮔـــــالوا ذنوبك ﮔـــــــد سـواد الليل


احلفهــــــــــــــم بــﭼـــف الوافـه للخوه





وذا ﮔــالوا بـﮕـت شتـﮕـول انتــه بهاي


اﮔـلهم عوز ظكني ويـــدري بس هــوه





وذا ﮔــــــــالولي دينك بيه قصورهواي


اقـدم دمـــــــــــع عيني وخدي التـﭼـوه





وذا حكمـــــوا علي بالـﮕــبر توجر نار


اصيحاً بســــــــــــم زينب تنفتح فجوه






وذا ماكــــــــو عمـل استحق بيه جنات


بعلـي ادخل الجنــــــــــه عناد بالـﮕـوه





بس احــﭼــي قصيده واذكــــر العباس


بيبان الجنـــــــــــــــــــان تفتحت عنوه





وطـب بكـل فخـروالفـــــــــخـر للعباس


ﭼـــاياهو اليردني مــــــــــن اطب جوه



بقلم الشيخ ابوحيدر

حياك ياابوحيدر فعترة الرسول(ص)هم الشفعاء والمنقذين من هم الدنيا واهوال الاخره
تقبل مروري وتحياتي وبارك الله بك

الحمد الله والشكر لله

شكرا لك وانشاء الله فرجه قريب

وساعتها نشوف

صح السانك ابوحيدر قصيده روعه
لكن ال البيت عليهم السلام يريدونا ان نكون
زيناًلهم ولانكون شيناً فليس من المعقول ان
نذهب الى القبر ونحن محملين بالذنوب وننتضر
الشفاعه من اهل بيته عليهم السلام

المهم قصيده رائعه تقبل مروري