من تعيل احسب انته عايل ليش
يالمالك اصل لاتشتــــــم اصل الناس
شاره اصير بيــــــك وياعظم شـــاره
الرطب لمن يطيح يطيح فوك الـﮕـاع
بــــــس وسط النخل مـــوجود جماره
من تغير احسب اكو غــــــارت موت
موفــــــــارس تصيح وراكب حماره
ومـن تعيــــــل حسب انته عايل ليش
صعدت محـــــــــــدده وتصيح تتباره
وشحـــــــــذ قلمك منصيح وين تروح
موتشتم اســــــــــــــــــد وتلوذ بالفاره
احذرك من تــــــــدﮔ بسمار بالجلمود
ماينبت ولكــــــــــــــن يعمي طشاره
ونته بلاوعي دﮔـــــــــيته بالمـﮕـلوب
وبضلعك تــــــــــــرك نيشــان بسماره
حذرتك ﮔــــــــــــــبل وحلفت بالقرأن
وﮔــــــــــــــتلك يانذل لصير سمساره
الضاهر بيك شــــاره وماتبطل الشين
دضل لابــــــــد بجحرك جتك الغاره
القوافي أسلحت وبلبست لبس حروب
ﮔـــلي وين قلمــــــــــك طلعــه وتباره
يالعفت الحديقــه وعفت كومــه ورود
رايح ترجـــــــه خير بورق صباره
غــــــــــم رايك كفيلك يشهــد العباس
بكلماتي اﮔـــــــــــــــــبب نار وجاره
وفرجه اصير يشهــد علي داحي الباب
وبعد ويه الشعر متصيرلك ﭽــــــــاره
غراب صويحبـــك لاتظــن طير يصير
هم شايف غــــــــــــراب يحبلــه حباره
دخذه مـﮕـشره وتستاهـــل المــــــوجود
وبعــــــد قلمي نزف شيوﮔـــف احبـاره
بقلم الشيخ ابوحيدرالشويلي
رد: من تعيل احسب انته عايل ليش
وفرجه اصير يشهــد علي داحي الباب
وبعد ويه الشعر متصيرلك ﭽــــــــاره
غراب صويحبـــك لاتظــن طير يصير
هم شايف غــــــــــــراب يحبلــه حباره
الله الله
عالابداع تسلم ويسلم قلمك الرائع
تحياتي
رد: من تعيل احسب انته عايل ليش
ابو حيدر تحياتي
ردك سيف ذو حدين وياويله اليدانيك
ههههههههههههههههههههه
مع التحيه
اخوك
د\ سلام الدراجي
رد: من تعيل احسب انته عايل ليش
وفرجه اصير يشهــد علي داحي الباب
وبعد ويه الشعر متصيرلك ﭽــــــــاره
غراب صويحبـــك لاتظــن طير يصير
هم شايف غــــــــــــراب يحبلــه حباره
الله الله
عالابداع تسلم ويسلم قلمك الرائع
تحياتي
علي العراقي 1 شكراً حبيبي للمرور الرائع
دمت بود ربي مايحرمني هل اطلاله الرائعه
