مادليتهم بس هــــــــــــم يندلون
كلي شلون بيــــــــــه وين اظمك
اذا ممنوع شمك جنـــي ماشميت
لان حتى الورد مـــــا ساوه شمك
دفك زيـــج المنيه وداعتك مشتاق
وضوكَني ولــــــــــو يذبحني سمك
يمك كون اموت شمحله هل موت
وشمحله المنيه كــــــــــون يمك
صم ايدك بديــــــــه وعلي مااطيك
وذوبن كلي بيــــــك وترس صمك
وطيك الفـــرح واخــذ جبال هموم
وخـــــــــذ كل الفرح وطيني همك
مــــن امك اغار وداعتك مجنون
وكـــــــبر هــــــم اليه صارت امك
اخذ دمي وامـــــــوت موافق شبيك
بــــــــــس دمي اريـده يبوس دمك
ياحبات خـــــــردل بيك عقلي حتار
تطشر بحظنــــــــــــي شلون المك
ماتلم عجيب وبيك لمعــــــــه ونور
يامتعب اليــــــــــــــــدور لو يخمك
بقلمي الشيخ ابوحيدر الشويلي
ملاحضه:حب الخردل هو حب بني الون يمتلك خاصيه نعومة الملمس كالحرير صغير جداً يستعمل لعمل الصاص
وهو براق واذا تناثر في الارض لايستطيع احد جمعه
