انا دمي عراقي وصافي من دجلة
وبطين الفرات الرمل والدهلة
انعجن لحمي وي طينه شحلوة وشمحله
ومن صخر الجبل عظمي وكحل عيني ذرى رمله
وملح شط العرب ريجي تراه من العسل احلى
وسمارة جلدي من كاعي وقوة جسمي من نخله
ورضعت الطيب من اهلي هم اهل الكرم كله
*************************
عراقي وافتخر يا ناس يا محلى الاسم لمن ينادوني
انا تراب الوطن زادي وغيره لا تطعموني
شرابي عسل من ميه يا محلى العسل لمن ترووني
كاعك يا وطن امي وترابك ابوي وهم ربوني
يا مهد الحضارة ومرقد الوليان يا روض الجنان وبيه ادفنوني
يا نبع العلم يا شمعة التاريخ يا بيت الاهل يا قرة عيوني
تبقى انت العراق واني احبك دوم ما انكر افضالك لو يذبحوني
****************************
( منقولـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــة )
