يا منهل الروح روحي لو ترد منهلك
ما جان طول العمر شكوى انبدت منهلك
تدري بهلاكي وتناشدني بدهر منهلك
منهو الك غيري وغيرك ما هلكني احد
واهلك رموني بتهم من نار هجرك احد
سلمت امري وامرك وامرهم بيد واحد احد
منك عسى الله ياخذ حوبتي ومنهلك
>>>>>>>>>>>>>>>>>>>>>
صاح وصلك , بعدك فرح ما يلي
تعال شوف و استمع و احكم على ما يلي
الحزن عندي عدل بس البخت مايلي
البخت ما ينعدل بالدنيا لا باخرة
و هموم كلبي جذب ما تشيلهن باخرة
الدرب الجنت باوله هسه صرت باخره
و الناس صادت سمج و آنه الصفى ماي لي
>>>>>>>>>>>>>>>>>>>
اتلفت زهرة شبابي بسوالف
وكضيت اسنيني هايم بسوالف
يدولابي دخيلك بسوالف
تلف مكلوب وين تريد بية
>>>>>>>>>.>>>>>>
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
>>>>>>>>>>>>
اطنون هم على الكلب من وزنت منك
تنشد سبب علتي وك يا كلب منك
جازاك ولفك هجر عود بوصل منك
نخله ويضربك حجر وانته تذبله تمر
شماضوك طبعك شريد كل اليوم زايد تمر
جنت اطش دربك ورد من يمي لمن تمر
اليوم بيه شطلع صار الدرب منك
>>>>>>>>>>>.>>>>>
دور بدينك يغالي الروح في دينك
انك تجافي الذي مديولو بدينك
بالعجل جتي النهايه وتوني بادينك
وريت كلبي ولا عالماي تحظرني
وطيوفك بشوك كل مشوار تحظرني
جانت امنيتي كبل ماموت تحظرني
تغمظلي عيني يساهي العين بيدينك
>>>>>>>>>>>
الهمر داست ثنايانه وهنه
وتكشف للعدو وبين وهنه
الشامت بشر اصحابه وهنه
وتحنه على المصاب الصار بيه
******************
صحبتك ليش كصرت .... ما طلتها
واني الدنيا علمودك .....ماطلتها
جنتلك فرصه سهله ....... ماطلتها
خسرتني بسبب بطرانك عليه
******************
ارضنه اجدام من تكرهه وطنه
ودواي اتراب ذاريها وطنه
ابت روحي تريد اله وطنه
تعيش بغير ذله عله الوطيه
*****************
يروحي اتكتري عنهم وفردي
خرچ ماظل بعد عندي وفردي
تعبنة من سرة الزوجي وفردي
وبس عل الثلج نوگف سوية
*******************
ماريد تل الذهب من عندة بس صم صم
من حيث وكتي بگة طول العمر صم صم ((صائم ))
وين اليعدل الحچي ويسل عليه صم صم ((صمصام)
من حيث شر البله شيطانهم عممه
متكلي شنهو السبب ضاع الوطن عممه
طول لحيته متر ذب ربطته وعممه
لمريكا بوري فتح واليمي انة صم صم
منقول :2:
